Хумус од наут: 4 неодоливи варијанти за секој вкус
Наутот, познат и како леблебија, е вистинска суперхрана со богата историја и неверојатни здравствени придобивки.
Ова скромно зрно потекнува од Блискиот Исток пред повеќе од 7.500 години и денес е омилено ширум светот.
Според д-р Мајкл Грегер, автор на книгата „How Not to Die“, „Наутот е одличен извор на растителни протеини, влакна и антиоксиданси, кои го намалуваат ризикот од срцеви заболувања и го подобруваат варењето“.
Нутриционистката Џесика Кординг додава: „Само една порција наут обезбедува речиси половина од дневните потреби за влакна, а хумусот е вкусен начин да го вклучите во исхраната“.
Еве четири фантастични рецепти за домашен хумус што ќе ги обожавате и лесно ќе ги прилагодите по ваш вкус, пишува НМД. Еве што ви е потребно:
I Рецепт: Оригинален хумус – класика што освојува
Потребни состојки:
– 200 г наут (леблебија)
– 1 лажичка сода бикарбона
– 1 лажичка маслиново масло
– 1–2 лажички мелен ким
– 1 лажичка сол (по вкус)
– 2–3 лажички сок од лимон
– 2 лажички таан (тахини) намаз
– НМД
Постапка:
Наутот потопете го преку ноќ во вода со сода бикарбона, па следниот ден исфрлете ја водата, ставете нова и варете 20 минути (или 1 час без сода) додека омекне.
Отстранете ја пената и лушпите при варењето. Сварениот наут ставете го во блендер, додајте маслиново масло, ким, сол, сок од лимон и таан. Блендирајте до мазна смеса. Прилагодете ја солта по вкус.
II Рецепт: Хумус со цвекло – розова магија
Потребни состојки:
– 200 г наут (леблебија)
– 1–2 лажички мелен ким
– 2–3 лажички маслиново масло
– 1 лажичка сол (по вкус)
– 2 лажички сок од лимон
– 1 чешне лук
– 3–4 лажици варено цвекло
Постапка:
Варете го наутот како во првиот рецепт. Во блендер ставете го сварениот наут, додајте ким, маслиново масло, сол, сок од лимон, лук и варено цвекло. Блендирајте додека да добиете мазна, розова смеса со неодолив вкус.
III Рецепт: Хумус со пиперка – зачинет пресврт
Потребни состојки:
– 200 г наут (леблебија)
– 1–2 лажички мелен ким
– 2–3 лажички маслиново масло
– 1 лажичка сол (по вкус)
– 2 лажички сок од лимон
– 1 чешне лук
– 1 црвена пиперка (блага или лута)
Постапка:
Наутот варете го по основниот рецепт. Пиперката пропржете ја, исечкајте ја ситно и додајте ја во блендер заедно со сварениот наут, ким, маслиново масло, сол, сок од лимон и лук. Блендирајте до хомогена смеса.
IV Рецепт: Зелен хумус со зачини – свежина во секој залак
Потребни состојки:
– 200 г наут (леблебија)
– 1–2 лажички мелен ким
– 2–3 лажички маслиново масло
– 1 лажичка сол (по вкус)
– 2 лажички сок од лимон
– Мешавина од зачини (босилек, копар, магдонос, оригано) со малку маслиново масло
Постапка:
Варениот наут (според основниот рецепт) ставете го во блендер.
Зачините измешајте ги со малку маслиново масло за да направите ароматична смеса, па додајте ги заедно со ким, сол и сок од лимон. Блендирајте до мазна текстура и уживајте во зелениот хумус со богат мирис.
Овие рецепти се лесни, брзи и совршени за експериментирање – додајте зачини, менувајте количини и создадете го вашиот омилен хумус! Видеото погледнете го ОВДЕ:
