ПОСНА БАКЛАВА СО ОРЕВИ
Традиционален десерт со богат вкус и совршена сочност
Посната баклава со ореви е едно од најомилените слатки на балканската трпеза – крцкави кори, мирислив фил од ореви и совршено сварен шербет кој ѝ дава сочност и раскошен вкус.
Овој проверен рецепт е идеален за празници, посни денови или кога едноставно сакате класичен домашен десерт што секогаш успева, пишува НМД. Еве што ви е потребно:
Потребни состојки
За баклавата:
• 500 g тенки кори
• 300 g мелени ореви
• 150 g сечкани ореви
• 150 g шеќер
• 1 лажичка цимет
• 200 ml масло (за премачкување на корите)
За преливот – шербет:
• 700 g шеќер
• 700 ml вода
• 1 лимон (исечен на тркалца)
• 1 ванилин шеќер
• НМД
Начин на подготовка
1. Подготовка на филот од ореви
Во подлабок сад измешајте ги мелените и сечканите ореви, шеќерот и циметот. Добро соединете за да добиете рамномерна смеса.
2. Редење на баклавата
Плехот убаво премачкајте го со масло. Ставете две кори, па премачкајте ги со масло. Рамномерно распоредете фил од ореви.
Продолжете со редење по ист редослед – две кори, масло, фил – сè додека да го потрошите целиот фил.
Завршете со 3–4 кори, секоја премачкана со масло. Со остар нож исечете ја баклавата на саканиот облик пред печење.
3. Печење
Печете во загреана рерна на 180°C, околу 40–50 минути, сè додека корите добијат златна боја.
4. Подготовка на шербетот
Во тенџере ставете ги водата и шеќерот да зовријат. Додајте ги лимоновите тркалца и ванилин-шеќерот. Варете околу 10 минути.
5. Залевање
Многу е важно шербетот да биде жежок, а баклавата исто така жешка при залевање. Полека прелејте го шербетот врз штотуку извадената баклава.
Оставете ја да ја впие течноста најмалку 4 часа, а најдобро – преку ноќ.
Со овој рецепт ќе добиете совршено сочна, ароматична и богата посна баклава што ќе ја воодушеви целата трпеза. Пријатно! 🍰✨
