Рецепт на Кети. „Овој рецепт го имам од татко ми, а во неговото семејство бил одамна. Тој потекнува од големо семејство каде секогаш се случувало барем едно дете, во кој било период од денот да побара нешто да јаде.
Затоа овој десерт го нарекол „полноќен десерт“, бидејќи го приготвувале дури и навечер. Многу брзо се прави, сите состојки едноставно се мешаат и потоа се печат. Многу е вкусен и сигурно ќе ве потсети на кремаста пита до кокос и банана која ја нарекуваат „флан“. Еве што ви е потребно:
ПОТРЕБНИ СОСТОЈКИ: 1 јајце, 1 супена лажица шеќер, 1 лажица ванилин екстракт или амарето, 2 супени лажици кокосово брашно (или мелени бадеми/бадемово брашно), 2 супени лажици крем сирење/ овошен густ јогурт/ кисела павлака, 1 банана со средна величина, шеќер, кокос, путер
ПОСТАПКА: Изматете го јајцето во еден сад и додајте шеќер. Во рецептот користиме интегрален шеќер, но може да користите каков сакате. Измешајте, па додајте две лажици кокосово брашно и екстракт од ванила или ликер амарето кој ќе му даде вкус на бадеми/семки од кајсија.
Потоа додајте две супени лажици крем/павлака и изматете со жица-маталка додека целосно да се изедначат состојките во хомогена крем-смеса. Излупете една банана со средна величина и исечкјате ја на тенки тркалца.
Тркалцата од банан наредете ги на дното од два помали огноотпорни садови, а одозгора прелијте ги со приготвената смеса. Одозгора наросете прво со прстофат шеќер, а потоа и прстофат кокосово брашно.
Одозгора врз сето тоа ставете и неколку тенки листови исечен несолен путер. рерната вклучете ја да се загрева на 180 степени, а потоа ставете го десертот да се пече. За околу 15 минути е готов. Се остава малку да се подизлади, па се послужува директно од садот во кој се печел. Многу е вкусно и кремасто. Деталите погледнете ги ОВДЕ.
