Пирошките од палачинки се вкусно и едноставно јадење што комбинира крцкава текстура со кремасто полнење. Овој рецепт е идеален за брз оброк или ужина, а може да се приспособи според вашите вкусови.
Подгответе ги овие вкусни залчиња за семејството или пријателите и уживајте во нивната едноставност и богат вкус. Рецепт и фотографии на Сим Атанасовска, пишува НМД. Еве што ви е потребно:
Најмеки палачинки со кисело млеко и сода бикарбона
Овие палачинки се исклучително меки и воздушни, благодарение на комбинацијата од кисело млеко и сода бикарбона.
Совршени се за секоја прилика, било да ги подготвувате за појадок, ужина или десерт. Неутралниот вкус на смесата овозможува да ги комбинирате со слатки или солени филови, според вашиот вкус.
Потребни состојки за палачинки:
– 200 г кисело млеко
– 0,5 мала лажичка сода бикарбона
– 2 јајца
– 0,5 мала лажичка сол
– 0,5 мала лажичка шеќер
– 2 големи лажици масло
– 500 мл вода
– 400 г брашно
– НМД
Потребни состојки за пирошките:
– фил по избор (200 г урда, кашкавал, шунка или др.)
– 2 јајца
– 100 г лебни трошки
– 50 г сусам
– 200 мл масло за пржење
Постапка за палачинките
1. Во длабок сад за матење ставете ги киселото млеко, содата бикарбона, јајцата, солта, шеќерот, маслото и водата. Измешајте ги кратко со рачен миксер или маталка додека смесата стане хомогена.
2. Постепено додавајте го брашното, мешајќи континуирано, додека да добиете смеса со конзистенција слична на боза.
3. Загрејте тавче за палачинки на средна температура и намачкајте го со малку масло.
4. Со кутлача сипете од смесата во тавчето и рамномерно распоредете ја за да се формира тенка палачинка. Печете ја од двете страни додека да добие златнокафеава боја.
Пирошки од палачинки
За да ги претворите палачинките во пирошки:
1. На секоја палачинка ставете фил по избор (на пример, урда, кашкавал, шунка или сирење) во средината, а потоа преклопете ја во форма на ролна или триаголник.
2. Во плиток сад разматете 2 јајца за похување. Во друг сад измешајте 100 г лебни трошки и 50 г сусам.
3. Палачинките со фил потопете ги во разматените јајца, а потоа извалкајте ги во мешавината од лебни трошки и сусам.
4. Загрејте 200 мл масло во длабоко тавче на средна температура. Пржете ги похованите пирошки од двете страни додека да добијат златнокафеава боја.
5. Извадете ги врз кујнска хартија за да се впие вишокот масло.
Забелешка
Смесата за палачинки е неутрална, па може да се користи за слатки или солени варијанти. Експериментирајте со различни филови за палачинки или пирошки, според вашиот вкус.
На здравје! Рецепт и фотографии на Сим Атанасовска
