Рецепт за пржени печурки со компири
Овој едноставен, а сепак неверојатно вкусен рецепт за пржени печурки со компири е идеален за брз оброк кој ќе ги задоволи сите сетила.
Комбинацијата од крцкави компири, ароматични печурки и зачини создава совршена хармонија на вкусови, готова за само неколку минути.
Совршено јадење за секој ден или за посебни пригоди кога сакате да импресионирате со минимален напор, пишува НМД. Еве што ви е потребно:
Потребни состојки:
– 400 г свежи печурки
– 450 г компири
– 1 пиперка (по избор, црвена или зелена)
– 35 г путер или маргарин (15 г + 20 г)
– 2 лажици растително масло
– 1/2 лажичка пипер во прав
– 2 чешниња лук
– Сол по вкус
– Мелен црн пипер по вкус
– 1 врзоп свеж магдонос
– НМД
Постапка:
1. Печурките исчистете ги и исечкајте ги на тенки листови. Компирите излупете ги и исечкајте ги на коцки или тенки кругови. Пиперката измијте ја, исчистете ја од семето и исечкајте ја на ленти.
2. Во голема тава загрејте го растителното масло на средна температура. Додајте ги печурките и пржете ги 4-5 минути, мешајќи повремено, додека да испуштат вода и добијат златнокафеава боја.
Додајте 15 г путер, посолете и зачинете со мелен црн пипер по вкус. Промешајте и тргнете ги печурките од тавата.
3. Во истата тава, по потреба додајте малку растително масло и ставете ги компирите. Пржете ги 4-5 минути на средна температура, мешајќи за да се испржат рамномерно.
Посипете со пипер во прав и додадете 20 г путер. Продолжете со пржење уште 4-5 минути додека компирите омекнат и добијат крцкава кора.
4. Вратете ги печурките во тавата кај компирите. Додадете го ситно исечканиот лук, посолете и зачинете со мелен црн пипер по вкус. Промешајте и пржете уште 1-2 минути за да се соединат вкусовите.
5. Тргнете ја тавата од оган, посипете со ситно исечкан свеж магдонос и послужете веднаш.
Сервирање:
Ова јадење е вкусно само по себе, но може да се комбинира со свежа салата или кисели краставички за дополнителна свежина. Уживајте во вашиот оброк!
Добар апетит! Постапката погледнете ја во видео прилогот ОВДЕ:
