Рецепт за здрави рибни плескавици
Овој рецепт за рибни плескавици е вкусен и хранлив оброк кој може да помогне во регулирање на шеќерот во крвта, триглицеридите и холестеролот, додека истовремено придонесува за подобрување на општото здравје.
Со едноставни состојки и брза подготовка, овие плескавици се идеални за оние кои сакаат да се хранат здраво без да жртвуваат вкус, пишува НМД. Еве што ви е потребно:
Потребни состојки:
– 2 конзерви сардини во масло
– 1 врзоп магдонос
– 1 главица кромид
– 2 јајца
– 1 лажичка сол
– 1/2 лажичка мелен црн пипер
– 1 лажичка мелен благ црвен пипер
– 1 лажичка сува органска зачинска мешавина
– 1 кора од лимон (изрендана)
– 3 лажици бадемово брашно
– 3 лажици маслиново масло
– НМД
Постапка:
1. Исцедете го маслото од конзервите со сардини и ставете ги сардините во сад. Со виљушка испасирајте ги.
2. Ситно исечкајте го магдоносот и кромидот, па додајте ги во садот со сардините.
3. Во смесата додајте две јајца, сол, мелен црн пипер, мелен благ црвен пипер и сува органска зачинска мешавина.
4. Измијте еден лимон со сода бикарбона, изрендајте ја површината на кората и додајте ја во смесата.
5. Додајте три лажици бадемово брашно и добро измешајте ја смесата додека стане хомогена.
6. Посипете малку бадемово брашно на работната површина. Од подготвената смеса формирајте плескавици и лесно извалкајте ги во бадемово брашно.
7. Загрејте три лажици маслиново масло во тава на средна температура. Ставете ги плескавиците во загреаното масло и пржете ги по три минути од секоја страна, додека да добијат златнокафеава боја.
8. Откако плескавиците се готови, извадете ги од тавата и послужете ги топли.
Овие рибни плескавици се одличен избор за здрав оброк, богат со хранливи состојки и вкус. Уживајте во нив со свежа салата или прилог по ваш избор! Постапката погледнете ја во видео прилогот ОВДЕ:
