Домашна пита со месо – сочна и вкусна алтернатива на масниот бурек
Овој рецепт за домашна пита со месо е совршен избор за оние што сакаат вкусно и лесно подготвено јадење. Со едноставни состојки и брза подготовка, оваа пита е мека, сочна и неодолива, идеална за секој оброк.
Следете ги чекорите и уживајте во аромата и вкусот што ќе ја исполнат вашата кујна, пишува НМД. Еве што ви е потребно:
Потребни состојки
– 500 г готови кори за пита (1 пакување)
За филот со месо:
– 500 г мелено говедско месо
– 2 главици ситно сечкан кромид
– ½ лажичка мелен црн пипер
– ½ лажичка зачин (на пример, Вегета)
– Малку сол
За преливот:
– 4 јајца
– 200 мл јогурт
– 100 мл масло
– 14 г прашок за печиво (1 кесичка)
– 150 мл газирана вода
– НМД
Постапка
1. Подготовка на филот:
Во тава на средна температура загрејте малку масло. Додајте ги двете главици ситно сечкан кромид и пропржете ги додека да добијат златножолта боја.
Потоа, додајте го меленото говедско месо, ½ лажичка мелен црн пипер, ½ лажичка зачин и малку сол по вкус. Пржете додека месото целосно се испржи и стане ронливо. Откако филот е готов, тргнете го настрана да се излади.
2. Подготовка на преливот:
Во длабок сад ставете 4 јајца и изматете ги со жица за матење (не е потребен миксер). Додајте малку сол, 200 мл јогурт, 100 мл масло, 150 мл газирана вода и 1 кесичка прашок за печиво.
Промешајте добро додека смесата стане хомогена. Преливот е готов.
3. Редење на питата:
Загрејте ја рерната на 180°C. Во плех за печење (по можност обложен со хартија за печење) ставете две кори една врз друга.
Распределете тенок слој од филот со месо врз корите. Повторете го процесот, редејќи по две кори и фил, додека да ги потрошите сите кори и филот.
Последниот слој треба да бидат две кори. Ако е потребно, прилагодете ги корите со сечење за да одговараат на големината на плехот.
4. Сечење и преливање:
Лесно намачкајте ги последните две кори со малку масло. Со остар нож исечете ја питата на коцки до дното на плехот за да може преливот рамномерно да се впие.
Потоа, рамномерно прелијте ја питата со подготвениот прелив. Оставете ја да отстои околу 15 минути за корите да го впијат преливот.
5. Печење:
Печете ја питата во загреана рерна на 180°C околу 30 минути или додека да добие убава златна боја и нарасне. Проверете дали е готова со допир – треба да биде мека и лесно крцкава.
6. Сервирање:
Откако питата малку ќе се излади, исечете ја на коцки по веќе направените линии. Сервирајте ја топла за појадок, вечера или како ужина. Оваа пита е толку сочна и вкусна што сигурно ќе стане омилена во вашиот дом!
Уживајте во секој залак од оваа прекрасна домашна пита со месо! Постапката можете да ја погледнете во видео прилогот ОВДЕ:
