Тофи чоколатцата се познат германски бренд за карамелни чоколатца кои содржат нугат, карамела и лешник, прелиени со чоколадо кое прави своевидна „капа“ на пралините. Отсекогаш сакав да имам џиновска Тофи (Toffifee) торта и конечно желбата ми се исполни. Рецепт на Нatshepsut:
ПОТРЕБНИ СОСТОЈКИ за кора: 8 белки, 8 лажици шеќер, 1 кесичка бурбон-ванилин шеќер, 3 лажици брашно тип 400, 3 лажици какао, 50 г рендано темно чоколадо, 4 лажици милерам
ФИЛ КАРАМЕЛ: 4 лажици шеќер, 100 мл млеко, 8 жолчки, 100 г бело чоколадо за готвење***, 2 коцки млечна чоколада*, 50 мл слатка павлака
КАРАМЕЛ ГЛАЗУРА: 4 лажици жолт шеќер во прав* *, 75 мл течна слатка павлака, 100 г бело чоколадо, 20 г путер. ЧОКОЛАДНА ГЛАЗУРА: 60 г темно чоколадо и 50 мл слатка павлака
Постапка за приготвување на корите: вклучете ја рерната на 180 степени. Во белките додајте шеќер и матете со миксер додека да се добие цврст снег. Додајте просеано брашно, просеано какао, бурбон ванилин шеќер и измешајте со дрвена лажица.
Смесата треба да остане воздушеста. Додајте милерам и измешајте со дрвена лажица. Измешајте ја ренданата чоколада. Дното на калап со дијаметар од 24 см со флексибилен обрач обложете го со хартија за печење, а страните на калапот намастете ги со путер/маргарин и рамномерно распоредете ја смесата.
Печете на 180 степени 15 минути, а потоа намалете ја рерната на 170 степени и печете уште 10 – 15 минути. Проверете со чепкалка дали е добро испечено. Испечената кора извадете ја од калапот заедно со хартијата за печење, превртете ја на плех и нежно извадете ја хартијата за печење.
Кога ќе се излади, се сече хоризонтално со конец или жица за да се направат две кори.
Карамел крем: Жолчките изматете ги кратко со миксер. Растопете го шеќерот на умерен оган. Тргнете го од оган и додајте млеко (Внимание: многу ќе прска).
Се враќа на тивок оган и се загрева со постојано мешање додека да се раствори целиот шеќер (потребни се меѓу 5 и 10 минути). Додајте ги жолчките. Загрејте на тивок оган со постојано мешање со жица додека масата да почне да се згуснува (околу 5 минути).
Тргнете го од оган и мешајте додека престане згуснувањет. Повторно ставете го на оган и мешајте уште 5 минути, повремено тргајќи го од оган за да не се згрутчат жолчките. Треба да добиете мазна маса со текстура како густ пудинг.
Се трга од оган и се додаваат сечканото бело чоколадо и млечната чоколада (*млечно чоколадо не е потребно, се става само за да добие карамел боја на филот). Мешајте додека да се растопат и се добие еднолична маса.
Изладете на собна температура (потопете го садот со филот во сад со ладна вода и изматете со миксер). Во изладениот фил додајте 50 мл течна слатка павлака и матете со миксер. Околу првата кора ставете флексибилен обрач за торта.
За време на печењето кората малку се смалуваше, па нејзиниот дијаметар стана 23 см. Кората премачкајте ја со фил и покријте ја со друга кора. Оставете го во фрижидер 2 часа да се стегне, па извадете го прстенот.
Карамелна глазура: белото чоколадо растопете го на пареа или во микробранова печка. Растопете го жолтиот шеќер во прав на умерен оган. Тргнете од оган и додајте течна слатка павлака (Внимание: многу ќе прска).
Се враќа на тивок оган и се загрева со постојано мешање додека да се раствори целиот шеќер (потребни се меѓу 5 и 10 минути). Тргнете го од оган и додајте го стопеното бело чоколадо. Измешајте го. Додајте го путерот и мешајте додека да се растопи.
Ќе добиете маса во боја на карамела, густа како нутела или еурокрем. Загрејте ја смесата кратко време на тивок оган да стане поретка за полесно да се премачка преку колачот. Топлата глазура од карамела истурете ја во средината на изладениот колач.
Со шпатула нежно размачкајте ја глазурата од центарот до работ на колачот и постепено распоредувајте ја. Смесата брзо се стега и станува слична на смесата за фондан, па убаво се обликува, важно е само малку по малку да се истенчува. Оставете во фрижидер 15 минути, па „ставете“ ја чоколадната „капа“.
Чоколадна капа: чоколадото растопете го на пареа или во микробранова печка. Додајте слатка павлака со постојано мешање. Ако масата е густа, треба кратко да се загрее на пареа или во микробранова печка, а потоа да се истури во центарот на колачот.
Распоредете лесно со шпатула од центарот до работ на колачот, на околу 2 сантиметри од рабовите на колачот. Оставете во фрижидер.
Напомени: 1. Јас добив жолт шеќер во прав со мелење жолт кристален шеќер во електрична мелница за кафе. Може да се користи и кристален жолт шеќер или бел шеќер во прав.
2. И за филот и за глазурата користев Dolcella шлаг 5+ со растителни масти. Со слатката павлака на Имлек или Дукат, сличните филови не ми успеваат.
3. За готвење е задолжително да се користи бело чоколадо. Кремот нема да стврдне со бело чоколадо од типот Милка, Нестле и сл.
За повеќе рецепти заследете ја NMD.mk, лајкнете ја и споделете ја нашата страница. Следно прочитајте: „МИЛКА ТОРТА: Една од највкусните чоколадни торти, а многу едноставна за правење – редовно ја правам за секој роденден“ – ОВДЕ.
