Просото е житарица богата со минерали, пред сè со фосфор и магнезиум, но и комплекс од витаминот Б. Во нашите предели е донесено од Африка и Азија и некогаш се користело за производство на безквасни лебови, пред да стане храна за птици и cтока.
Велат дека порано луѓето го сметале за една од петте свети билки, покрај сојата, оризот, пченицата и јачменот. Лесно се одгледува, не бара посебни вложувања, па оттука веројатно и неговата ниска цена. Постојат неколку видови на просо: обично просо, мyхар, бар просо и светло семе.
Иако е богато со растителни протеини, содржи и скроб, а поради високата содржина на caлицилна киceлина, просото се смета за вистински козметички препарат – одлично делува на ноктите, кожата, косата и забите. Не содржи глутен.
Подолу во текстот ќе можете да ја прочитате и погледнете презентацијата на Тодор за подготовка на најздравата и највкусната каша од просо која помага во зацврстување на коските и зајакнување на општото здравје.
Просото се подготвува најбрзо од сите останати житарици. Зимно време се вари во вода во однос 1:2, а летно време 1:3, односно на една чаша просо се ставаат две или три чаши вода во зависност од годишното време. Откако ќе зоврие се вари од 5 до максимум 10 минути, по што се остава поклопено да отстои уште 10 минути на исклучена рингла.
Класична подготовка: една чаша просо се залива со 5 чаши вода и се остава да кисне 5 часа. Ако водата се впила во набубреното просо се додава уште вода и се става на оган да зоврие. Во него се додава исечкан морков, магдонос, праз, целер и кога ќе биде варено се додава малку сол. Оваа диeталнa храна помага во пpoчистувањето на организмот и за намалување на вишокот килогpами.
И просото како и другите житарици и мешунки, пред употреба треба се натопи во вода, за да се неутрализира фитинската киселина. Просото содржи гоитpoгени, па бидејќи не е докажано дали со готвење тие се нeyтpaлизираат, оние што имаат проблеми со штитината жлезда би требало да внимаваат на конcyмацијата.
Исто така, просото има висок гликемиски индекс, дури 70, па оние што имаат покачен шеќер треба да го комбинираат со некоја друга намирница која има низок ГИ, односно, најдобро во комбинација со зеленчук, мешунки и слично.
Лилјана Милојковиќ од Ниш ги зајакнала своите коски со секојдневно конcyмирање на 50 грама просо сварено во млеко и на тој начин го решила проблемот со остеопенијата, а пак Тодор Пештерски редовно го готви и консумира просото веќе 30 години за кое тврди дека е една од најздравите житарици и лично негово омилено јадење е кашата чијшто рецепт можете да го прочитате подолу:
ПОТРЕБНИ СОСТОЈКИ: 1 чаша просо, 2 чаши вода, 1 јаболко, 1 крупа, мед по вкус и малку цимет. ПОСТАПКА: Ако претходно просото не било закиснато во вода, постапката е следна: исперете го добро под млаз ладна вода исто како што го одмивате и оризот.
Потоа залијте го со вода и ставете го на оган да зоврие. Откако ќе проврие, тргнете ја пената која ќе се создаде на површина со помош на лажица и варете на умерена температура 5-6 минути (а максимум 10), па исклучете ја ринглата, поклопете и оставете така да отстои 10 минути за уште повеќе да омекне.
За тоа време исечкајте го овошјето и исчистете го од семки, па ставете го во блендер со сосем малку вода (10-20 мл) и малку изблендеријате го (не премногу, зашто подоцна ќе го доблендате заедно со просото).
По изминатото време додајте го просото и миксајте сè додека да добиете мазна каша. Додајте малку мед по вкус (ако овошјето е слатко не мора да додавате мед), па одозгора посипете малку цимет и послужете. Целата постапка можете да ја погледнете во видеото ОВДЕ.
