Ова е најкремастиот колач кој некогаш сте го пробале, а сепак содржи испечен бисквит со ореви и какао, а кремот е домашно приготвен од жолчки. Сите состојки се природни и сите ги имаме в кујна, па вреди да го направите, нема да се покаете. Постапката е лесна и едноставна, еве што ви е потребно:
ПОТРЕБНИ СОСТОЈКИ за кора 1: 4 белки, 4 лажици шеќер, 5 супени лажици мелени ореви, 1 супена лажица брашно, 1/2 кесичка прашок за печиво (5 г). ЗА КОРА 2: 4 белки, 4 супени лажици шеќер, 3 супени лажици мелени ореви, 1 супена лажица какао во прав, 1 супена лажица брашно, 1/2 кесичка прашок за печиво (5 г)
ПОТРЕБНИ СОСТОЈКИ за крем од жолчки: 8 жолчки, 8 супени лажици шеќер, 120 г скроб/нишесте/густин, или 3 кесички пудинг со вкус на ванила (120 г), 1 литар млеко, 125 г путер или маргарин, 500 мл слатка павлака или 200 г шлаг + 400 мл млеко
ПОСТАПКА: веднаш на самиот почеток вклучете ја рерната да се загрева на 180 степени, зашто смесата брзо се мати и е спремна за печење. Во посебен сад одделете ги белките од жолчките од 4 јајца, за првата кора. Пенасто изматете ги со постепено додавање на шеќерот додека тој да се растопи.
Кога ќе добиете цврст снег кој не паѓа од садот кога ќе го превртите, оставете го миксерот и додајте ги мелените ореви, брашното и прашокот за печење, па промешајте со лажица додека сите состојки рамномерно да се соединат.
Обложете го плехот 35х25 см или со приближни димензии, истресете ја смесата, рамномерно распоредете ја и израмнете, па ставете да се пече во загреаната рерна, 12 минути или во зависност од рерната. Додека се пече првата кора, пригответе ја смесата за втората.
На ист начин како и за првата, најпрво пенасто изматете ги белките со постепено додавање на шеќерот, па кога ќе добиете цврст снег, рачно додајте ги мелените ореви, брашното, какаото и прашокот за печиво, па сето убаво промешајте го додека да се соедини.
Смесата рамномерно распоредете ја во истиот плех во кој се пече и првата кора (обложен со хартија), иста така, приближно 12 минути. Додека корите се ладат, вие пригответе го филот. Во подлабок сад измешајте ги жолчките со шеќерот и скробот.
Додајте малку од вкупното млеко за да се разреди смесата, а остатокот ставете го на оган да зоврие. Црпнете малку од врелото млеко и додајте го во жолчките за да се згреат, па целата содржина вратете ја во тенџерето додека непрекинато мешате. Кога ќе згусне тргнете го настрана, прекријте го со проѕирна фолија и оставете да се олади.
Настрана изматете ја слатката павлака или шлагот. Оладениот крем кратко изматете го со миксер, па додајте путер омекнат на иста собна температура и пенасто изматете додека да се соедини. Додајте и две шпатули од шлагот, па изматете да се соедини во кремот.
РЕДЕЊЕ: врз темната кора распоредете половина од кремот, па половина од шлагот. Потоа поклопете ја светлата кора и повторно по половина, остатокот од филот и шлагот. Ибаво израмнете и изладете во фрижидер. Деталите од постапката погледнете ги ОВДЕ.
