Рецепт за сочна свинска вратна печеница
Овој рецепт за свинска вратна печеница е вистинска кулинарска тајна што ќе ги воодушеви сите ваши гости.
Со едноставни состојки и внимателна подготовка, добивате неверојатно сочно и ароматично јадење што се топи во уста.
Совршено за празнични трпези или семејни вечери, ова јадење ќе стане ваш фаворит. Подгответе го со љубов и уживајте во комплиментите од вашите најблиски!
Потребни состојки:
– 800 г свински врат
– 100 г путер
– 5 чешниња лук
– 1 лажичка сол
– 1 лажичка мелен коријандер
– 1 лажичка црн пипер
– 1 лажичка димен црвен пипер во прав
– 1 лажичка г лук во прав
– 2 гранчиња свеж рузмарин
– НМД
Постапка:
1. Подгответе го месото така што ќе направите неколку засеци од површината до 2/3, внимавајќи да не го пресечете целосно.
2. Посипете го месото со сол, мелен коријандер, црн и црвен пипер и лук во прав. Добро втријте ги зачините во месото од сите страни за да се впијат вкусовите.
3. Завиткајте го месото во хартија за печење, а потоа дополнително во алуминиумска фолија за да се задржи сочноста.
4. Печете во загреана рерна на 180°C околу 1 час.
5. По еден час, внимателно отстранете ја фолијата и хартијата за печење.
6. Исечкајте ги чешнињата лук на ситни парчиња и распоредете ги врз месото заедно со гранчињата рузмарин.
7. Во мало тенџере растопете го путерот на тивок оган додека почне да врие.
8. Прелијте го месото со растопениот путер за да добие богат вкус и златеста боја.
9. Вратете го месото во рерната уште 5-10 минути за да се создаде крцкава кора.
10. Извадете го месото од рерната, оставете го да отстои неколку минути, па исечете го на парчиња.
Сервирајте ја печеницата топла, со прилог по ваш избор. Ова јадење е толку вкусно што сигурно ќе стане дел од вашето мени за секоја посебна прилика. Добар апетит! Постапката погледнете ја во видео прилогот ОВДЕ:
https://www.youtube.com/watch?v=YhA44aXWPi4
