МАЗНИК СО СПАНАЌ…За ручек, вечера или појадок, совршен рецепт за совршено јадење…Питата со спанаќ е вистинскиот избор кога сакате да ги споите традицијата и домашниот вкус во едно јадење.
Со спанаќот како главна состојка и домашно тесто, оваа пита е совршен оброк за секоја пригода – без разлика дали е појадок, ручек или вечера.
Подготовката не е комплицирана, а резултатот е вкусен специјалитет кој ќе предизвика насмевка на вашето лице. Еве што ви е потребно:
ПОТРЕБНИ СОСТОЈКИ:
За тесто:
1 кг брашно
1 лажица сол
6 лажици масло
млака вода по потреба
За фил помешајте со рака:
1 кг спанаќ, исчистен и ситно исечкан
3 јајца
100 мл кисела павлака
сол по вкус
За прелив помешајте:
200 мл врела вода
50 г путер
И уште: 50 г путер
ПОСТАПКА:
Во брашното додајте сол и масло, па постепено додавајте млака вода. Месете додека тестото да стане компактно и нелепливо. Оставете го да одмори 15 минути.
Потоа поделете го на 4 дела, формирајте топчиња, развлечете ги и намастете ги. Оставете ги да одморат 15 минути пред да ги развлечете во големи тенки кори. Филувајте ги и правете ролнички како што е прикажано во видеото.
Питата одозгора намастете ја и печете ја во загреана рерна на 250 степени. печената пита залијте ја со преливот и вратете ја во рерна уште 2 минути. Потоа одозгора премачкјате ја со путер и оставете малку да подизлади пред послужување.
Постапката погледнете ја во видеото ОВДЕ:
