Тајната на најмеките мекици: Со оваа техника тестото расте 10 пати повеќе
Ако барате совршени домашни посни мекици кои излегуваат 10 пати поволуменозни, меки и воздушести, ова е рецептот што ќе го зачувате засекогаш.
Тајната не е само во состојките, туку во техниката на „диплење“ на тестото – метод што дава професионален резултат, како од пекарница.
Овој рецепт е идеален за појадок, семејни моменти или брз домашен оброк, а одлично се комбинира со сирење, мед или јогурт, пишува НМД. Еве што ви е потребно:
Потребни состојки:
• 500 мл млака вода
• 10 г сув квасец
• 1 лажица шеќер
• 1 лажичка сол
• 600 г брашно (по потреба)
За премачкување:
• маслиново масло
За пржење:
• масло за пржење
Постапка:
1. Во длабок сад, сипете ја млаката вода, додајте шеќер и сув квасец. Промешајте додека да се раствори.
2. Постепено додајте брашно и сол. Мешајте со лажица или шпатула додека да добиете меко и лепливо тесто (не се меси класично).
3. Премачкајте го тестото со малку маслиново масло, покријте го и оставете го да одмори 20 минути.
4. Со намастени раце, започнете со техника на „диплење“: фатете го тестото од страните, подигнете го и преклопете го врз себе. Повторете од сите страни.
5. Повторно премачкајте со масло, покријте и оставете да одмори уште 20 минути.
6. Повторете ја постапката со диплење уште еднаш, па оставете тестото да ферментира 30 минути.
7. Префрлете го тестото на набрашнета површина, посипете со брашно и поделете го на 14 еднакви делови.
8. Обликувајте топчиња и покријте ги да одморат 5 минути.
9. Секое топче развлечете го со рацете во тенка кора. Една кора премачкајте ја со вода, па поклопете со друга – спојувајте ги по две.
10. Во средината направете мало отворче и внимателно спуштајте ги во загреано масло.
11. Пржете додека да добијат златно-жолта боја од двете страни.
Совети за совршени мекици (професионален резултат):
• Тестото мора да остане меко – тоа е клучот за воздушеста структура
• Диплењето создава природни слоеви и волумен (како пекарска техника)
• Маслото не треба да биде премногу жешко за да не изгорат однадвор
• Овие мекици не впиваат многу масло, што ги прави полесни за јадење
• Постапката погледнете ја во видео прилогот ОВДЕ:
