Ништо подобро од фин и вкусен домашен леб, ниеден купечки не може да го замени.
Овој леб не содржи квасец!
Потребни состојки:
250 г интегрално брашно
250 г бело брашно
1 прашок за печиво (10 г)
1 лажица мед
2 лажички сол
3 лажици маслиново масло
300 мл млака вода
Постапка:
Загрејте ја рерната на 250 степени.
Измешајте ги сите состојки, па додадете масло, вода и мед.
Со лажица добро измешајте да се соедини. Поделете на два дела.
Ако е потребно дополнително наросете брашно по површината за да можете да го обликувате тестото.
Ставете на плех обложен на хартија и печете 15-тина минути, додека кората одозгора да стане цврста и кафеава.
