Рецепт за мек овесен леб без шеќер
Овој рецепт за овесен леб е совршен избор за оние што сакаат здрав, вкусен и лесен за подготовка леб.
Без додаден шеќер, со мека текстура и крцкава кора, овој леб е идеален за секојдневни оброци.
Погоден е и за оние што избегнуваат глутен, но имајте предвид дека побрзо се суши, па се препорачува консумација во рок од три дена, пишува НМД. Еве што ви е потребно:
Потребни состојки:
– 400 г овесно брашно
– 7 г сув квасец
– 1 лажичка сол
– 350 мл вода
– 30 мл маслиново масло
– 1 лажица сируп без шеќер
– НМД
Постапка:
1. Во сад измешајте ги овесното брашно, сувиот квасец и солта. Добро промешајте за да се соединат состојките.
2. Направете вдлабнатина во средината на смесата.
3. Во вдлабнатината додајте вода, маслиново масло и сируп без шеќер или засладувач по ваш избор.
4. Замесете го тестото додека да стане хомогено. За полесна подготовка, можете да користите миксер со додаток за месење тесто.
5. Подмачкајте калап за печење со малку маслиново масло.
6. Префрлете го тестото во подготвениот калап и рамномерно распоредете го.
7. Премачкајте ја површината на тестото со малку маслиново масло и посипете со овесни снегулки.
8. Покријте го калапот со чиста крпа и оставете го тестото да отстои на топло место 20 минути.
9. Загрејте ја рерната на 220°C.
10. Печете го лебот 25 минути или додека да добие златнокафеава кора.
11. Откако ќе се испече, извадете го лебот од калапот и оставете го да се излади пред сечење.
Напомена:
Овој леб е највкусен кога е свеж. Не го чувајте подолго од три дена, бидејќи безглутенскиот леб побрзо се суши.
Послужете го со омилените додатоци и уживајте во неговиот мек вкус и крцкава кора. Добар апетит! Постапката погледнете ја во видео прилогот ОВДЕ:
