Кога го правам СЛАТКОТО ОД ЈАГОДИ со овој метод, бојата и вкусот се неверојатни…Користам помалку шеќер, а резултатот е дури и подобар…
Методот е следниот:
Јагодите се чуваат во шеќер преку цела ноќ, а ако е топло, тогаш во фрижидер. Се вари првиот половина час и потоа се исклучува шпоретот во период од еден час.
Потоа повторно се покачува температурата и се вари додека да ја добие потребната конзистентност. Еве што ви е потребно:
ПОТРЕБНИ СОСТОЈКИ (се користи чаша од 200 мл):
2 кг јагоди исчистени (пред чистење-2.5 кг)
8 чаши шеќер
2 чаши вода
1 лажица свеж сок од лимон
1 лажичка путер
ПОСТАПКА:
1.Отстранете ги поголемите јагоди и особено внимавајте на меките и скапани. Потоа исчистете ги од зелените ливчиња, добро измијте ги со ладна вода и исцедете ги до водата.
2.На 2 кг јагоди сипете 8 чаши шеќер. Оставете ги јагодите натопени во шеќерот приближно 13 часа (преку цела ноќ), а ако е топло тенџерето ставете го во фрижидер. Јагодите не треба да ги мешате.
3.Ако не додавате вода (за поосвежителен сируп), тогаш намалете ја количината на шеќерот за 1-2 чаши. Кој не го сака слаткото премногу „слатко“, тогаш нека додаде 2 чаши вода, како мене. Водата се додава откако јагодите ќе отстојат во шеќерот.
4.Тенџерето ставете го на оган да зоврие. Не мешајте за да не ги нагмечите јагодите, туку само протресете го тенџерето. После 5-10 минути откако ќе зоврие, намалете ја температурата на умерена или пониска, колку да струи.
5.За да спречите создавање на многу пена, додајте една мала лажичка путер 5 минути откако ќе почне да врие. Ова слатко создава најмногу пена, но подоцна се исклучува кога ќе се исклучи огнот.
Затоа, не обидувајте се да ја тргате сета пена, туку само онаа со потемна/густа, кафеава боја.
6.После половина час вриење, исклучете го огнот и оставете го слаткото да се лади, 1 час. Потоа повторно вратете го на оган и гответе го 15-20 минути на умерена температура (5 минути на појако, па намалете).
Ако мешате со лажица, правете го тоа внимателно за да не ги нагмечите јагодите.
7.Штом забележите дека почнува да згуснува, додајте го лимоновиот сок (после 10 минути варење). По желба, можете да ставите и 2-3 тркалца лимон.
8.Проверување на конзистенција: после 15 минути варење (од вториот чекор) извадете малку од слаткото во тацна и ставете го во замрзнувач за побрзо да се олади. Потоа проверете ја густината…
9.Од додавањето на лимоновиот сок јас го варев уште 10 минути, вкупно 20 минути во вториот чекор. Оставете да се олади, а следниот ден складирајте го во тегли кои потоа можете да ги вакумирате. Постапката погледнете ја ОВДЕ.
