Вкусен колач кој има многу едноставна подготовка. Доволно ми беше да ги прочитам состојките за да знам како се подготвува, а често го правам бидејќи ми е најлесен и најбрз. За овој колач имам добиено многу пофалби, а е доста скромен.
Не ви се потребни многу состојки, а веројатно сè што ви е потребно веројатно го имате во кујната. По вкус може да додавате црвено овошје, ореви, и што и да ви текне, од него може да се прават разни комбинации бидејќи доста е флексибилен и се комбинира со многу состојки. Еве што ви е потребно:
ПОТРЕБНИ СОСТОЈКИ: 1 јајце, 160 г шеќер, 60 мл масло, 1 ванилин шеќер, прстофат сол, 160 мл млеко, 50 г какао, 200 г брашно, 8 г прашок за печиво, 100 мл зовриена вода, мала лажичка инстант кафе, 200 г чоколадо, 100 мл неутрален крем.
ПОСТАПКА: Во еден подлабок сад скршете го јајцето и додајте го шеќерот. Веднаш потоа се додава и маслото, ванилиниот шеќер и се посолува со малку сол. Со помош на жица/маталка измешајте ги состојките екстремно брзо додека да се формира густа, но соединета смеса.
Смесата треба да изгледа слично на пире од компир или пасирана банана. Во неа се додава млекото и повторно се меша за да се разреди и да стане потечна. Сега ќе изгледа како смеса за палачинки. Во неа додајте го какаото преку сито, а потоа и брашното измешано со прашокот за печиво.
Сите состојки се инкорпорираат во фина чоколадна смеса која треба да остане течна и да нема гручиња од маслото. Настрана зовријте 100 мл вода и во неа додајте 1 лажичка инстант кафе. Измешајте и прелијте во смесата која штотуку ја подготвивте.
Јас смесата ја мешам некои 5 минути за да бидам сигурна дека нема грутчиња кои може да ми го расипат колачот. Потоа така изедначена се прелива во огноотпорен сад кој претходно сте го наросиле со масло и малку брашно.
Смесата убаво се распоредува и се става на печење во претходно загреана рерна на 180 степени, а се пече околу 30 минути. Во меѓувреме направете ја чоколадната глазура така што чоколадото ќе го скршите на коцки, а врз него ќе прелиете од неутралната павлака.
Се растопува на рингла додека да се формира течна глазура која се прелива врз печениот колач. Колачот се остава малку да одмори и да се олади, а потоа може да декорирате (опционално) со јагоди, ореви, лешници или нешто друго. Деталите од целата постапка можете да ги погледнете во видеото ОВДЕ.
