Во последната година, нашиот живот се повеќе се базира на седење и лежење пред телевизорот. Пандемијата ”не за-твори” во нашите домови, а физичката активност се повеќе ни е намалена. Животите ни се сведоа на седење пред големите екрани, обилни оброци и физичка неактивност.
Кај голем број жени се појави т.н. ”синдром на карантиско лице”, односно нивното лице изгледа се повеќе уморно, истоштено, а брчките повидливи. Двајца американски експерти кои го истражувале овој синдром на карантинско лице и дошле до интересен заклучок:
“Карантинското лице” е заедничко за многуминава во изминатиотв период, а истото е предизвикано од предолги престои во затворен простор и гледање во ТВ екраните, смарт телефоните и компјутерите, а во недостиг на свеж воздух и сонце, на лицето се јавуваат знаци за недостиг на витамин Д.”
Истражувањето на Глоудеј, компанија за нехируршко лекување, открива дека жените сметаат дека кожата и тенот им се значително погодени од престојот во затворените простори, а виновник е карантинот. Рос Пери, медицински директор на ”Космедикс” посочува:
„Овој проблем го нарекуваме синдром на карантинско лице. Недостатокот на витамин Д и “зјапањето” во екраните влијае негативно врз нашата кожа и здравје.” Рос Пери и неговиот соработник ги набројуваат најчестите причини за појавата на овој несакан синдром и посочуваат што да се преземе околу тоа.”
Причини: Суви дамки на челото поради недостаток на витамин Д
Нашиот организам добива помалку витамин Д за време на зимата, но времето што го поминуваме во затворен простор дополнително го намалува внесувањето на овој витамин.
Витаминот Д може да го спречи стареењето на кожата, додека ниското ниво може да ја влоши кожата и може да се појави егзема или псоријаза. Како резултат на тоа, сувите дамки можат да се појават на челото или на остатокот од лицето – изјави Рос за „Сан“.”
Испукани усни и лупење на носот од централното греење
Ниската влажност и температурите значат дека заштитната функција на нашата слузокожа не функционира правилно, така што влагата наменета за кожата поминува низ надворешниот слој и испарува, правејќи ја кожата сува, што предизвикува пукање на усните, а кожата на носот се лупи.
Зголемете го внесот на масти
Јадете храна богата со омега – 3 масни киселини како што е лососот, оревите, и лененото семе. Тие се клучни за одржување на здравата кожа.
Користете состојки како што се некои липидни соединенија (керамиди), шеа путер и масажа со растителни масла во негување на вашата кожа
Појавата на акни поради стрес предизвикува телото да ослободува хормони како кортизол (хормон на стресот), кој им ”кажува” на жлездите во кожата да произведуваат повеќе масло – што често доведува до појава на акни и други проблеми со кожата. Стресната домашна средина, лошата исхрана и пиењето алкохол исто така може да предизвикаат акни.
Појава на брчки поради долго седење позади екранот
”Прекумерното изложување на екраните може да го забрза процесот на стареење. Во просек, канцелариски работник може да помине до десет часа гледајќи во компјутер, додека милениумците го проверуваат својот телефон до 150 пати на ден.
Ова предизвикува поголем напор бидејќи нашите очи трепкаат 50 проценти помалку во минута. Уморните очи доведуваат до повеќе кривогледство и заедно со намуртеноста го поттикнува процесот на развој на брчките.” – истакнува Пери.
Поставете временско ограничување за вашиот телефон или поставете апликација што ве известува колку време во денот сте го поминале пред екранот. Поставете си граница и што е најважно од се, практикувајте ја. Побарајте креми за очи кои содржат церамиди.
Тие формираат кожна бариера и помагаат во задржување на влагата, што е важно во заштитата од светлината на екранот, загадувањето и температурните промени. Одржувајте ја кожата постојано хидрирана за да ја минимализирате појавата на брчки.
Суви очи од прашина
”Прашината и нечистотијата се акумулираат побрзо затоа што поминувате сè повеќе време во затворени простории. Поради недостаток на свеж воздух во просторијата, може да кивнете или да почувствувате чешање во грлото или да имате суви, иритирани очи. Централното греење предизвикува дехидрираност на слузницата на очите, што ги прави очите уште посуви”, вели Пери.
Обидете се со капки за очи за да се ослободите симптомите или излезе на свеж воздух да прошетате. Доколку немате можност да излезете, плакнете ги очите темелно со вода на секој 1 час. Навистина е важно да се одржува циркулацијата на свеж воздух, затоа често отворајте ги прозорците. Чувајте ја работната површина чиста и избегнувајте триење на очите.
Избегнувајте сина светлосна пигментација
Како што истакнавме претходно, сината светлина од нашите екрани допира до нашето око исто како што прават УВ – зраците кои имаат можност да продрат уште подлабоко. Сината светлина придонесува за хиперпигментација кај некои тонови на кожа и може да придонесе за стареење на кожата.
Покрај потенцијалното предизвикување темни дамки на кожата, тоа може да доведе и до пад на антиоксидантна заштита во нашата кожа, правејќи ја кожата почувствителна на оштетување од УВ зраци.
Променете го приказот на екранот во ноќна светлина и користете состојки што вклучуваат цинк, екстракт од црвени алги и лутеин кои исто така штитат од сината светлина. Кремите за сончање, со 30% заштитен фактор, честопати се добар штит за вашето лице.
Црвенило од прејадување
Кортизолот, хормон на стресот, исто така може да ја зголеми нашата желба и склоност кон посегање закуски, што може да ја направи нашата кожа црвена и надуена – особено за оние кои имаат природно црвена кожа или розацеа. Нашето тело се преплавува со масни киселини и заситени масти, вишок натриум и шеќери и рафинирани јаглехидрати, влијаејќи на вашето расположение, енергија и на крајот на нашата кожа.
Чувство на мамурлук поради консумирање ал-кохол
Ал-кохолот е диуретик, што значи дека може да не дехидрира. Може да забележите дека изгледате поистоштено после пиењето ал-кохол. Диуретичното дејство на ал-кохолот значи дека ги губите сите витамини и хранливи материи, а кожата го губи својот сјај.
Редовно пиење ал-кохол може да доведе и до отекување на образите и вилицата. Ако претходната вечер сте се напиле малку повеќе алкохол, следниот ден пијте многу вода. Исто така одвојте време за масажа на лицето. Масажата ќе помогне во исфрлање на токсините и намалување на отокот.
Болки во вратот поради подгрбавеност
Згрбавеноста поради долгото седење пред лаптоп или телефон може да доведе до вкочанет и болен врат и повремени главоболки. Ова е предизвикано од наведнување на главата надолу и напред. Со долги временски периоди, ова може да предизвика проблеми во ‘рбетот и појава на деформитети. Затоа, важно е редовно да седите во исправена положба.
За да ја спречите појавата на ”синдромoт на карантинско лице”, потребно е да направите план и да си поставите временска граница за поминување на времето пред екранот. Практикувајте брзо одење, прошетки и кардио вежби за подобрување на сјајот на кожата, а воедно и целокупното здравје. Доколку немате време да извежбате или прошетате, на секој половина час станете и направете неколку чекори низ домот.
Вниманието насочете го кон јадење на здрава храна и пијте многу вода. За време на пандемијата и зимските месеци се препорачува користење на неколку суплементи кои го одржуваат здравјето и го зајакнуваат имуниот систем. Подолу во текстот, може да ги прочитате едни од најкористените суплементи за овие месеци.
Витамин Д
Витаминот Д3 никогаш не треба да се изоставува кога станува збор за одржување на доброто здравје и постои добра причина за тоа. Овој витамин обезбедува огромен стимул за нормално функционирање на организмот, а неговиот специфичен придонес најмногу се рефлектира во зајакнувањето на имунитетниот систем, како и во другите специфични функции кои ќе ги прочитате подолу во текстот.
Бидејќи витаминот Д3 е еден од најголемите сојузници во одржување на доброто здравје меѓу сите витамини, неговиот внес го препорачуваат и лекарите, особено за време на есен и зима кога овој витамин е дефицитарен.
Витаминот Д3 е најпристапен од групата на Д витамини. Тој е специфичен на многу начини, особено во неговиот природен и примарен извор, што не е храната, туку кожата, што се создава под влијание на сончева светлина која нашето тело ја апсорбира за време сончевите денови.
Токму поради оваа причина, телото апсорбира најмногу витамин Д3 во текот на пролетта и летото, додека во зима снабдувањето со овој витамин е ограничено. Преку храната не можеме да внесеме доволно количество на витамин Д, па затоа лекарите препорачуваат овој витамин да го внесуваме во вид на суплементи.
Препорачаната дневна количина на витамин Д3 е околу 600 IU, иако тоа зависи од возраста на лицето. За бебиња до една година, 400 IU дневно е доволно, додека за деца и возрасни, 600 IU е сосема нормална дневна доза на витамин Д3. Луѓето над 60 годишна возраст имаат потреба од околу 800 IU дневно.
Предозираноста од витамин Д е ретка, но сепак се случува, а последиците, иако не се опасни, можат да бидат непријатни. Предозираност од витамин Д3 се манифестира преку дијареја, главоболка, гадење, повраќање, нерамнотежа на калциум и фосфор, неправилен срцев ритам и слични симптоми.
Витамин Д и имунолошки систем
Витаминот Д освен што е клучен во одржување на здравјето на кожата, тој е од витално значење за одбранбениот систем на организмот, односно за стекнување на силен имунитет кој не штити од вируси и лоши бактерии кои го загрозуваат нашето здравје. Научните истражувања откриле дека Т-клетките, кои се клучен носител на имунитетниот систем, зависат првенствено од витамин Д, кој го стимулира нивното активирање.
Ако нивото на витамин Д3 во телото е ниско, Т-клетките остануваат во мирување и не успеваат да го активираат и бранат организмот од инфекции, поради што болеста и слабоста се јавуваат во полн интензитет. Така, витаминот Д3 е еден од најважните активатори на имунитетниот систем, и затоа е важен предуслов за одбрана од болести.
Витамин Д3 како превенција од разни болести
Витаминот Д3 е важен одбранбен механизам на организмот и служи како одлична превенција од сериозни болести како што се кардиоваскуларни болести, астма, некои форми на рак (карцином на дебело црево, простата и дојка), мултиплекс склероза, дијабетес, деменција и сериозни нарушувања на имунолошкиот систем.
Ниските нивоа на овој витамин го зголемуваат ризикот од развој на овие болести, а тоа е особено важно за превенција од дијабетес, што е докажано со бројни студии на оваа тема. Имено, докажано е дека витаминот Д, покрај тоа што го стимулира лачењето на инсулин во панкреасот, делува и на мускулите и масните клетки со намалување на отпорноста на инсулин.
Со регулирање на нивото на калциум во клетките, витамин Д3 придонесува за подобро дејство на инсулин во самата клетка, а со тоа и за контрола на ризикот од дијабетес.
Која храна содржи витамин Д3
Иако храната не е доволен извор за да ја примиме потребната доза на витамин Д во текот на денот, сепак потребно е да ја консумираме. Има многу малку намирници кои содржат витамин Д3, но дури и тие се прифатливи и соодветни за секојдневна консумација, што го олеснува снабдувањето на организмот со овој неопходен витамин. Храна богата со витамин Д3 е риба,млечни производи и рибино масло.
Витаминот Д3 го подобрува расположението
Витаминот на сонцето има огромно влијание врз расположението. Затоа, ако ви недостасува витамин Д3 во големи количини подолг временски период и чувствувате тага што не можете да ја припишете на некоја посебна причина, тогаш проблемот е во недоволното лачење на хормони одговорни за расположението.
Овој хормон се нарекува серотонин или „хормон на среќата“, а витаминот Д3 е одговорен за неговата стимулација, меѓу другото. Покрај тоа, веројатно сте забележале дека ви недостасува сончева светлина во зимските денови и дека се чувствувате многу подобро кога ќе дојдат првите денови на пролетта, а заедно со нив и сонцето.
Па затоа недостатокот на витамин Д3 потребно е да го надохнадите преку суплементи и храна богата со овој витамин. Витаминот Д3 се смета за витамин на женското здравје кој ги регулира хормонските промени кои настануваат со текот на времето.
Цинк
Цинкот е еден од најважните минерали за нашето тело, кој се наоѓа во многу мали количини во организмот, но без оглед на тоа, тој е многу важен за нормалната функција на организмот и неговиот недостаток може да предизвика многу последици.
Најмногу цинк се наоѓа во мозокот, мускулите, коските, бубрезите, црниот дроб, простатата и окото. Цинкот извршува неколку важни улоги во нашето тело, а тоа се:
раст и развој на нови клетки во телото, учествува во процесот на синтеза на протеини и ДНК и колаген, ја подобрува функцијата на мозокот, го стимулира производството и лачењето на инсулин во панкреасот.
Потоа, го забрзува заздравувањето на ра-ните, го зајакнува имунолошкиот систем (помага во созревањето на Т-лимфоцитите), го скратува времетраењето на вирусните инфекции, влијае на растот и развојот на органите за репродукција, помага во намалување на холестеролот, ја намалува апсорпцијата и таложењето на тешки метали во телото како олово и кадмиум.
Цинкот е еден од микроелементите кој ни е потребен во мали количини. Има 1,3 – 2,3 г во телото, а главно се наоѓа во клетките и е најконцентриран интрацелуларен микроелемент. Најголемата количина на цинк во телото се наоѓа во мрежницата и машките репродуктивни органи, а во значителна мера се наоѓа и во коските и мускулите. Апсорпцијата на цинк е слаба, а најголемиот дел од цинк се апсорбира во тенкото црево.
Цинкот е моќен сојузник на имунитетот
Одржувањето на имунитетот е само едно од многуте корисни ефекти на цинкот, кој учествува во активност на повеќе од 300 ензими, супстанции кои овозможуваат биохемиски процеси во организмот. Цинкот, заедно со витамин Ц, е многу моќен сојузник во борбата против настинката и грипот.
Цинкот работи со зајакнување на имунитетниот систем. Важен е за синтеза на ДНК, потребен е за лекување на рани и зачувување на чувството за вкус и мирис. Исто така, поттикнува нормален раст и развој, особено за време на бременост, детство и адолесценција. Се смета дека една од најважните улоги на цинкот е неговиот ефект врз имунитетниот систем.
Имено, цинкот влијае на формирање и активирање на Т-лимфоцити, бели крвни клетки кои се важни во борбата против инфекциите. Кога суплементација на цинк се изведува кај луѓе со ниско ниво, бројот на Т-лимфоцити во крвта се зголемува, како и можноста за надминување на инфекциите.
Истражувањата ја поддржуваат употребата на цинк во настинки, бидејќи досегашните резултати покажуваат дека внесувањето на дополнителни количини на цинк може да го скрати времетраењето и сериозноста на настинките.
Симтоми при недостаток на цинк: сува и груба кожа, безживотна коса, кршливи нокти, бели дамки на ноктите, ослабени сетила за вкус и мирис, губење на апетит и тежина, намалена прилагодливост на очите кон темнината, дијареја, чести инфекции, тешко заздравување на раните, иритации на кожата и нарушувања како што се дерматитис и акни.
Природни извори на цинк
Најдобар природен извор на цинк е месото (вклучувајќи црвено месо особено говедско, мисирка и др) риба и други морски плодови, особено остриги и други школки, ракови и туна. Се смета дека вегетаријанците се изложени на ризик од благ недостаток на цинк.
Значителни извори на цинк се млеко и млечни производи, јајца и цели зрна. Иако употребата на цинк од растителна храна е многу пониска отколку кај оние од животинско потекло, дефинитивно се препорачуваат растителни извори на цинк:
ореви, грашок, грав, соја и соја тофу сирење, пивски квасец, пченица, тиква и други семиња . Исхраната дефинитивно треба да се збогати со што е можно поразновидно овошје и зеленчук, кои содржат и цинк. Препорачаните дневни вредности на цинк зависат од возраста и полот на лицето.
Витамин Ц
Корисните ефекти на овој витамин за здравјето се навистина многубројни и разновидни. Неговото најпознато дејство е имуностимулативно, односно компонента која нѝ помага многу полесно да ги пребродиме настинките и гриповите. Исто така витаминот Ц е многу моќно антиоксидативно средство.
Антиоксидантите се одбранбениот механизам на телото од слободните радикали – штетни компоненти кои постојано се продуцираат како метаболитички отпад во телото и оксидативно ги оштетуваат неговите различни клетки и ткива. Организмот има механизми самиот да продуцира одреден процент на потребни антиоксиданти, но сепак генерално зависи од внесените.
Постојаните оксидативни оштетувања, водат до процеси на хронична инфламација или воспаление, кое пак на подолг рок е една од главните причини за развој на хроничните заболувања како дијабет, кардиоваскуларни заболувања, малигни заболувања итн.
Ваквото антиоксидативно својство на витаминот Ц му овозможува да ја намали општата инфламација во различни делови од организмот, па така тој придонесува за подобро здравје на мозокот, кожата, очите, а го намалува и оксидативното оштетување на ,,лошиот” LDL холестерол, што превенира од артеросклероза. Дополнително, витаминот Ц учествува во метаболизмот на синтеза на невротрансмитерите и колагенот.
Најдобри извори на витамин Ц во храната: пиперки кој го има трипати повеќе отколку во портокалот, цитрусни овошки како лимон, портокал, цитрон, домати, бобести овошки како јагоди, малини, капини, рибизли, боровинки, бобинки, брокула, спанаќ, компир, зелка, останат лиснат зеленчук, карфиол, магданос, киви.
Одредени количини од овој витамин има и во поголемиот дел од свежата храна. На тој начин и умереното, но редовно јадење свежа храна, никогаш нема да нé остави во дефицит од овој витамин. Дополнително, ваквата храна ќе нѝ обезбеди и низа други есенцијални микронутриенти.
Витаминот Ц е водорастворлив, па затоа треба секојдневно да се внесува. Дневните препорачани количества од овој витамин се од 65 до 90мг, а за сосема безбедни се сметаат и количествата до 2000 мг. Текстот за НМД.мк го напиша Мартина Христовска.
