Рецепт за здрави крекери од ленено семе со намаз од авокадо
Овој едноставен, а неверојатно вкусен рецепт за крекери од ленено семе со кремаст намаз од авокадо е совршен избор за здрава ужина или лесен оброк.
Подготвен за кратко време, овој рецепт комбинира хранливи состојки и свежи вкусови, идеални за секој што сака да ужива во вкусно, а здраво јадење, пишува НМД. Еве што ви е потребно:
Потребни состојки:
– 200 г ленено семе
– 250 мл вода
– 1 свеж домат
– 1 свежо авокадо
– 10 г свеж магдонос
– Сол по вкус
– Маслиново масло по вкус
– НМД
Постапка:
1. Во сад, ставете го лененото семе, додајте ја водата, малку сол по вкус и една лажица маслиново масло. Промешајте и оставете ја смесата на топло место еден час за да набабри и да се згусне.
2. За тоа време, подгответе го намазот. Исечкајте го доматот на ситни коцки, а авокадото испасирајте го со виљушка. Додајте го ситно исечканиот магдонос, па зачинете со сол и маслиново масло по желба. Добро измешајте.
3. Загрејте ја рерната на 180 степени. Обложете плех за печење со хартија за печење и лесно намастете ја со маслиново масло. Распоредете ја набабрената смеса од ленено семе во тенок, рамномерен слој.
4. Печете во загреана рерна 15 минути или додека да добие крцкава текстура.
5. Откако ќе се излади, исечете ги крекерите на парчиња со саканата големина. Послужете ги со подготвениот намаз од авокадо.
Овој рецепт е идеален за брза и здрава ужина што можете да ја подготвите дома со минимален напор. Уживајте во свежите вкусови и хранливите придобивки! Постапката погледнете ја во видео прилогот ОВДЕ:
https://www.youtube.com/watch?v=X3XTiSrFfmw
