Пита со сирење од готови кори
Питата со сирење е традиционално јадење што освојува со својата крцкава кора и богат вкус.
Овој рецепт за пита со готови кори е едноставен за подготовка, а резултатот е вкусна и сочна пита што ќе ги задоволи вкусовите на сите љубители на домашни специјалитети.
Совршена за секоја прилика, оваа пита е идеална за појадок, ужина или лесна вечера, пишува НМД. Еве што ви е потребно:
Потребни состојки:
– 500 г готови кори за пита
– сусам (по потреба)
– путер (неколку мали парчиња)
– НМД
За фил:
– 250 г дробено сирење
– 250 г фета сирење
– 4 јајца
– 250 мл течен јогурт
– 1 кесичка прашок за печиво
– 1 мала лажичка сол
За прелив:
– 100 мл масло
– 100 мл млеко
Постапка:
1. За филот: Во длабок сад ставете 250 г дробено сирење, 250 г фета сирење, 4 јајца, 250 мл течен јогурт, 1 кесичка прашок за печиво и 1 мала лажичка сол. Измешајте ги состојките темелно додека да се добие хомогена смеса.
2. За преливот: Во посебен сад измешајте 100 мл масло и 100 мл млеко.
3. Земете една кора и премачкајте ја рамномерно со преливот од масло и млеко. Преклопете ја со втора кора, па и неа премачкајте ја со преливот.
На втората кора распоредете обилно од филот. Потоа свиткајте ја кората во ролат. Ролатот ставете го во плех за печење, претходно намастен со малку масло.
4. Повторете ја постапката со преостанатите кори и фил додека да го исполните плехот.
Доколку корите се многу тенки и има повеќе од 10-12 парчиња во пакувањето, редете по три кори за еден ролат, при што секоја кора премачкајте ја со прелив, а на последната ставете фил пред да ја свиткате.
5. Откако ќе го наполните плехот, премачкајте ја целата пита со остатокот од преливот. Одозгора посипете обилно со сусам и распоредете неколку мали парчиња путер.
6. Печете ја питата во претходно загреана рерна на 180 степени Целзиусови околу 30-35 минути или додека да добие златна боја и крцкава кора.
7. Оставете ја питата малку да се излади пред сервирање за да се задржи нејзината структура.
Уживајте во оваа вкусна пита со сирење, сервирана топла или на собна температура, со чаша јогурт или свежа салата! Постапката погледнете ја во видео прилогот ОВДЕ:
