Брзи јогуртни уштипци со тиквички…Меки, шупливи, многу вкусни…За појадок, ручек или вечера…Еве што ви е потребно:
ПОТРЕБНИ СОСТОЈКИ:
1 тиквичка 500 г
250 мл течен јогурт
3 јајца
1 лажичка сол, 0.5 лажичка црн пипер
1 лажица бел оцет 9%
1 кесичка прашок за печиво
150-200 г ситно сирење
500 г брашно +-
За прелив (сите состојки помешајте ги):
1 китка магдонос, ситно сечкана
неколку чешниња лук, рендани
сок од 1 лимон
ПОСТАПКА:
1.Тиквичката изрендајте ја, посолете ја и оставете ја да се цеди 10-15 минути. Во подлабок сад помешајте го јогуртот со јајцата, па посолете и запиперете.
2.Додајте ги исцедените тиквичките, ситното сирење и лажица оцет. Промешајте, па започнете постепено да го додавате брашното помешано со прашок за печиво. Тестото треба да биде поретко, а кога ќе го црпнете со лажица лесно да паѓа.
3.Загрејте масло со длабочина 1-2 см на умерена температура. Натопете ја лажицата во врелото масло, па црпнете од смесата и пржете ги уштипците додека да заруменат од двете страни.
Вадете ги со решеткава лажица врз чинија обложена со хартиена салветка. Полијте ги со преливот. Завиткајте ги во алу-фолија 10-15 минути, па послужете. Постапката погледнете ја ОВДЕ.
