Ако ви се јаде нешто благо, домашно и проверено вкусно, а немате многу време, овој брз колач со кокос е вистинскиот избор.
Комбинацијата од мека чоколадна кора, нежен кокос-крем и едноставна чоколадна глазура создава десерт што се подготвува лесно, а изгледа како од слаткарница.
Идеален е за ненадејни гости, семејни дружења или како слатко уживање со кафе, пишува НМД. Еве што ви е потребно:
Го правам кога немам време: сочен колач со кокос и чоколада
📝 Потребни состојки
За темната кора
• 3 јајца
• 10 лажици шеќер
• 1 ванилин шеќер
• 10 лажици млеко
• 10 лажици масло
• 12 лажици брашно
• 2 лажици какао
• 1 прашок за печиво
За кокос-кремот
• 1 литар млеко
• 10 лажици гриз
• 8 лажици шеќер
• 150 г кокос
• НМД
За чоколадната глазура
• 100 г чоколада за готвење
• 3 лажици масло
Брз и лесен рецепт за сочен колач со кокос, чоколадна кора и нежен крем од гриз. Домашен десерт готов за 10 минути – проверено вкусен.
👩🍳 Подготовка
1. Подготовка на темната кора
Во длабок сад изматете ги јајцата со шеќерот и ванилиниот шеќер додека смесата да стане светла и пенеста. Додајте ги млекото и маслото, па кратко изматете.
Во посебен сад измешајте го брашното со какаото и прашокот за печиво, па додајте ги во течната смеса и нежно измешајте додека да добиете хомогена смеса.
Истурете ја смесата во плех обложен со хартија за печење и печете на 180 °C околу 20 минути. Печената кора избодете ја со виљушка за подобро впивање на кремот.
2. Подготовка на кокос-кремот
Во тенџере загрејте го млекото со шеќерот додека да зоврие. Додајте го гризот и варете со постојано мешање додека да се згусне.
Тргнете од оган, додајте го кокосот и добро измешајте.
Веднаш, додека кремот е жежок, рамномерно распоредете го врз печената кора и израмнете.
3. Подготовка на чоколадната глазура
На тивок оган растопете ја чоколадата со маслото, мешајќи додека да добиете мазна глазура. Прелијте го колачот и нежно израмнете.
4. Ладење
Оставете го колачот целосно да се излади, па исечете го на коцки. Највкусен е кога ќе отстои неколку часа и убаво ќе се стегне.
