Ако имате подуеност, бактерија или чувствителен желудник – овој природен напиток може да ви помогне
Во брзото секојдневие сè повеќе луѓе се соочуваат со дигестивни проблеми – подуеност, тегоби во желудникот, нарушена слузокожа или присуство на бактерии.
Иако стресот, брзата храна и нередовниот ритам често се виновници, постојат едноставни природни решенија кои можат да го олеснат непријатството.
Токму еден таков напиток сподели и Радолина, која сведочи дека ѝ го намалил подуениот стомак и ѝ помогнал да се чувствува полесно и побалансирано, пишува НМД.
„Откако го воведов овој напиток во утринската рутина, стомакот ми спласна и чувствувам значително олеснување. Се надевам дека ќе помогне и на други што имаат слични маки“, вели таа.
Рецепт за утринскиот напиток
• сок од 1 лимон
• 1 лажица маслиново масло (по можност ладно цедено, домашно)
• 1/2 лажица мед
• 150–180 ml млака вода
• НМД
Измешајте ги сите состојки додека се добие бистра, рамномерна течност.
Како делува?
Овој напиток е популарен меѓу луѓето кои бараат природна поддршка за дигестивниот систем. Комбинацијата од лимон, мед и квалитетно маслиново масло:
• ја одржува слузокожата на желудникот и ја штити од иритирање
• може да придонесе за подобра варливост и намалување на подуеноста
• дава лесно чувство во стомакот
• ја стимулира работата на цревата
• се користи како поддршка кај хеликобактер пилори или други бактериски нарушувања – како дел од природни навики (не е замена за терапија)
Дополнителната млака вода ја подобрува апсорпцијата и го прави напитокот понежен за желудникот.
Како се консумира?
• Се пие на гладен стомак, околу 15 минути пред појадок
• Се консумира полека, голтка по голтка
• Не се препорачува употреба подолга од 10–15 дена
Можете да го повторите циклусот повторно по пауза, доколку ви одговара.
Интересно да се знае
Маслиновото масло уште од античко време се користи како природен „обложувач“ на желудникот – создава лесен заштитен слој кој ја смирува чувствителната слузокожа.
Лимонот, пак, ја буди работата на цревата, а медот делува благотворно врз дигестивниот тракт и внесува природни ензими кои помагаат да се подобри варењето уште од рано наутро.
Комбинирани, овие три состојки создаваат мал утрински „ритуал“ кој многу луѓе го користат за полесен и посмирен почеток на денот. Презентацијата на Радолина можете да ја погледнете во видео прилогот ОВДЕ:
