🔥 Болки во грбот? Овие 5 лесни вежби во кревет го опуштаат ‘рбетот и колковите (без станување)
Болката и вкочанетоста во грбот се чест проблем, особено кај повозрасните лица, луѓето кои долго седат или оние кои се будат со чувство на затегнатост во долниот дел од ‘рбетот.
Добрата вест е дека постојат едноставни, безбедни и ефикасни вежби што можете да ги направите директно во кревет – без напор и без ризик.
Овие 5 вежби нежно ги активираат колковите, карлицата и долниот дел од грбот, помагајќи телото да се опушти и болката постепено да се намали, пишува НМД.
🛏️ 1. Нишање со раширени нозе и пети на кревет
Како се изведува:
Легнете на грб и раширете ги нозете. Петите нека бидат во контакт со креветот. Полека движете ги двете стапала налево и надесно, без кревање. Направете 15–20 бавни повторувања.
Како помага:
Оваа вежба го опушта долниот дел од грбот и карлицата, ја подобрува циркулацијата и го намалува утринското чувство на вкочанетост.
🛏️ 2. Отворање и собирање на колената
Како се изведува:
Свиткајте ги нозете во колена, стапалата нека бидат на кревет. Полека отворете ги колената кон страните, па повторно соберете ги. Повторете 20 пати, со мирно дишење.
Како помага:
Ги активира колковите и карличните мускули и го намалува притисокот врз лумбалниот дел од ‘рбетот – чест извор на болка.
🛏️ 3. Пета врз прсти – заедничко нишање
Како се изведува:
Поставете ја петата од едната нога врз прстите од другата нога. Држејќи ги нозете во оваа положба, нежно нишајте ги налево и надесно. Направете 15–20 повторувања, па сменете ја ногата.
Како помага:
Оваа вежба делува длабински на долниот дел од грбот и колковите и помага за намалување на напнатоста и болката.
🛏️ 4. Нишање со свиткани и благо раширени нозе
Како се изведува:
Свиткајте ги нозете во колена и малку раширете ги. Полека движете ги колената од една страна на друга, без нагли движења. Повторете 20 пати.
Како помага:
Го релаксира ‘рбетот, ја подобрува подвижноста на колковите и е одлична за лица со хронични болки во долниот дел од грбот.
🛏️ 5. Прекрстена нога врз колено со ротација
Како се изведува:
Едната нога поставете ја врз коленото на другата нога која е свиткана. Во таа положба, нежно движете ги нозете налево и надесно. Потоа сменете ја страната. Направете 15–20 повторувања.
Како помага:
Оваа вежба е одлична за истегнување на колковите и страничните мускули на грбот и помага да се спречи враќање на болката.
✔️ Корисни совети
• Вежбите изведувајте ги бавнo и без болка
• Идеални се наутро по будење или навечер пред спиење
• Доколку имате сериозни проблеми со ‘рбетот, консултирајте лекар
Овие 5 лесни вежби во кревет се едноставен, но моќен начин да го опуштите грбот, да ги раздвижите колковите и да си го олесните секојдневието.
Редовната примена може значително да ја намали болката и да го подобри квалитетот на животот – особено кај повозрасните лица. Изведувањето на вежбите погледнете ја ОВДЕ.
