Оваа пуслица торта ја правеа нашите мајки – и сè уште е совршена! Ја направив за роденден и сите бараа уште едно парче.
Ова е онаа пуслица, или целувка торта што сите ја паметиме од детството – со крцкава кора од белки, богат ванила-крем и јаткаст вкус што се топи во уста.
Ја правев за роденден и речиси исчезна за еден ден, што е најдобар доказ дека станува збор за проверен, домашен класик кој секогаш импресионира.
Овој рецепт е идеален за слави, родендени, свечени трпези, но и за сите што сакаат вистински старински колачи со богат вкус, пишува НМД. Еве што ви е потребно:
📝 ПОТРЕБНИ СОСТОЈКИ
За кората (пуслица):
• 12 белки
• 24 лажици шеќер
• 1 супена лажица оцетна киселина
За крем-филот:
• 1 литар млеко
• 12 жолчки
• 10 лажици шеќер
• 2 пудинга од ванила
• 2 пудинга од слатка павлака
• 100 г квалитетна бела чоколада
• 250 г путер (омекнат, на собна температура)
• 300 г мелени ореви
(по желба: 150 г ореви + 150 г лешници)
За завршување:
• 400 г шлаг (подготвен според упатството)
Класична пуслица торта од детството со крцкава кора од белки, богат ванила-крем и ореви. Проверен домашен рецепт што секогаш успева.
👩🍳 НАЧИН НА ПОДГОТОВКА
1. Подготовка на кората
Белките матете ги со шеќерот додека да добиете цврст и сјаен снег. Додајте ја оцетната киселина и матете уште 2–3 минути, додека масата целосно да се уедначи.
Плех со димензии 30 × 40 см обложете го со хартија за печење и рамномерно распоредете ја смесата.
Рерната загрејте ја на 180 °C, ставете ја кората, па веднаш намалете на 150 °C.
Сушете ја кората 1 час, исклучете ја рерната и оставете ја кората внатре целосно да се олади
(најдобро е да преноќи во рерната без отворање).
Изладената кора пресечете ја на две еднакви кори.
2. Подготовка на крем-филот
Жолчките и шеќерот матете ги додека да станат светли и пенасти. Додајте ги пудинзите и малку од млекото, па измешајте до мазна смеса.
Остатокот од млекото ставете го да зоврие.
Во зовриеното млеко додајте ја смесата со жолчки и варете на тивок оган со постојано мешање, додека да се згусне кремот.
Додека кремот е уште врел, додајте ја белата чоколада и мешајте додека целосно да се растопи.
Оставете кремот целосно да се излади, па додајте го омекнатиот путер и матете додека да добиете мазен и свилен крем.
Кремот поделете го на два еднакви дела.
Во едниот дел додајте ги мелените ореви (и лешници) и измешајте.
3. Филување и составување
Редослед:
1. кора
2. светол ванила-крем
3. кора
4. крем со ореви
5. одозгора премачкајте со шлаг
По желба, украсете со рендана бела чоколада или мелен јаткаст плод.
Оставете ја тортата неколку часа во фрижидер за целосно да се стегне пред сечење. Рецепт – ОВДЕ.
