Воспалението е природен одбранбен механизам на организмот, но кога трае предолго, може да стане тивок непријател на здравјето.
Токму затоа, сè повеќе нутриционисти укажуваат дека исхраната и животниот стил имаат клучна улога во контролата на хроничните воспалителни процеси, pi[uva NMD.
„Акутното воспаление е краткотраен имунолошки одговор при вирусни и бактериски инфекции.
Хроничното воспаление, пак, претставува долготрајна состојба при која организмот почнува да ги напаѓа и сопствените здрави клетки“, објаснува Татјана Поповиќ, сертифициран health coach и холистички нутриционист.
Според неа, покрај физичката активност, квалитетниот сон и контролата на стресот, противвоспалителните напитоци можат да бидат едноставна, но корисна поддршка за организмот.
🍋 КУРКУМА-ЛИМОНАДА – НАПИТОК ШТО ГО ЗАЈАКНУВА ИМУНИТЕТОТ
Овој топол напиток е особено популарен во периодот на настинки и грип, но и кога чувствуваме замор и опаѓање на енергијата.
Состојки:
• ⅓ лажичка куркума
• ⅓ лажичка цимет
• малку црн пипер (на врв од лажичка)
• 2 лажици свеж лимонов сок
• 1 шолја топла вода
Подготовка:
Во шолја со топла вода измешајте ги сите состојки додека да се соединат.
Куркумата е богата со антиоксиданси, а активната состојка куркумин е позната по своето противвоспалително дејство, бидејќи помага во неутрализирање на слободните радикали што се создаваат при воспалителни процеси.
🍫 ПРОТИВВОСПАЛИТЕЛНА ТОПЛА ЧОКОЛАДА
Идеална за студените денови, оваа верзија на топла чоколада нуди уживање, но и функционални нутритивни придобивки.
Состојки:
• 1 шолја незасладено растително млеко по избор
• 1 лажица сировo какао
• 1 лажичка органски мед
• ⅕ лажичка куркума
• ¼ лажичка мелен ѓумбир
• ¼ лажичка мелен цимет
Подготовка:
Ставете ги сите состојки во ѓезве и загревајте додека да зовријат. Потоа сипете во шолја и консумирајте топло.
„Ова не е напиток за секојдневна употреба, но одличен е за повремено уживање кога на организмот му е потребна дополнителна поддршка“, советува Поповиќ.
🍎 НАПИТОК СО ЈАБОЛКОВ ОЦЕТ – ПОДДРШКА ЗА ВАРЕЊЕТО
Состојки:
• ¼ шолја вода
• ¼ шолја јаболков оцет
• 1 лажица мед
• 1 лажичка мелена лута пиперка
Подготовка:
Водата загрејте ја, па додајте јаболков оцет, мед и лута пиперка. Добро измешајте и послужете топло. По желба, може да се додава и малку лимонов сок.
Овој напиток може да помогне при надуеност и грчеви, кои често се поврзуваат со воспалителни состојби.
🥤 УШТЕ ПРОТИВВОСПАЛИТЕЛНИ ПИЈАЛАЦИ
Кога немате време или сите состојки при рака, и овие избори се корисни:
• Вода – помага во хидратација и исфрлање на токсини
• Црн и зелен чај – богати со антиоксиданси
• Зелен смути – темнозеленото лиснато зеленчук природно помага во намалување на воспаленија
🧠 СОВЕТ ОД НУТРИЦИОНИСТ
„Овие напитоци се едноставен начин да се намали ризикот од хронични воспаленија, но секогаш во комбинација со балансирана исхрана и избегнување рафинирана храна.
Слушајте го вашето тело – ако сте уморни и без енергија, понекогаш токму ваков напиток може да биде добар почеток“, порачува Татјана Поповиќ.
