Лекар предупредува: Парфемот не е најдобро да се нанесува на врат – еве зошто
За многумина тоа е сосема нормална навика – неколку прскања парфем директно на врат пред излегување од дома. Но според некои лекари, токму ова место можеби не е најдобриот избор.
Италијанскиот инфектолог д-р Матео Басети, директор на Клиниката за инфективни болести во болницата во Џенова, предупредува дека нанесувањето парфем директно на врат може да има несакани ефекти, особено ако се прави секојдневно.
Во видео објавено на социјалните мрежи, тој поставува едноставно прашање:
„Дали е здраво да се нанесува парфем директно на врат? Мојот одговор е – не.“
Зошто токму вратот е чувствителна зона
Вратот се наоѓа веднаш над штитната жлезда, орган кој игра клучна улога во регулирањето на метаболизмот, енергијата, телесната температура и хормоналната рамнотежа.
Освен тоа, кожата на овој дел од телото е многу тенка и чувствителна.
Според лекарите, таа има помалку лојни жлезди кои природно ја штитат кожата, па затоа полесно може да реагира на различни хемиски состојки.
Што покажуваат научните истражувања
Некои научни трудови укажуваат дека одредени мирисни производи можат да содржат т.н. ендокрини disruptori – супстанции што потенцијално можат да влијаат врз хормоналниот систем.
Во студија објавена во научното списание Environmental Health Insights се споменува присуство на соединенија како:
• синтетички мошуси
• деривати на фталати
Овие супстанции можат да се апсорбираат преку кожата или да се вдишат, а при долготрајна изложеност потенцијално можат да влијаат на хормоналната регулација.
Алкохолот во парфемите – уште еден фактор
Повеќето парфеми содржат алкохол, кој помага мирисот побрзо да испари и да се шири. Но алкохолот исто така може:
• да ја исуши кожата
• да ја направи почувствителна
• да предизвика иритација при честа употреба
Ризикот може да биде поголем кај производи со непроверен состав, како што се фалсификувани парфеми или оние купени од несигурни извори.
Кои состојки можат да предизвикаат реакции
Некои природни мирисни компоненти, како што се есенцијалните масла од:
• бергамот
• горчлив портокал
можат да бидат фотосензитивни, што значи дека при изложување на сонце можат да предизвикаат иритации, темни дамки или воспаленија на кожата.
Каде е подобро да се нанесува парфем
Според советите на експертите, парфемот може да се нанесува на места каде кожата е помалку чувствителна, како што се:
• зглобовите на рацете
• внатрешната страна на лактите
• зад ушите
• на облека или коса
Овие точки се познати како „пулсни точки“ – места каде циркулацијата е посилна, па мирисот подолго се задржува.
Кој треба да биде особено внимателен
Иако повеќето луѓе нема да почувствуваат сериозни проблеми, поголемо внимание се препорачува кај лица кои имаат:
• чувствителна кожа
• дерматитис
• заболувања на штитната жлезда
• алергии на козметички производи
Експертите нагласуваат дека умерената употреба на проверени и квалитетни парфеми генерално се смета за безбедна, но местото на нанесување сепак има значење, пишува НМД.
