Фото и рецепт: Нермина Јордамовиќ
Имам повеќе рецепти за овој колач, но токму овој е навистина најдобриот и со структурата а и вишните не пропаѓаат на дното.
Потребни состојки:
2 јајца
150 г шеќер
1 ванилин шеќер
200 г јогурт
100 г масло
275 г брашно
1 прашок за печиво
400 г вишни
Постапка:
Со жица или со миксер добро изматете: јајца, шеќер, ванилин шеќер, јогурт и масло. Додадете брашно измешано со прашок за печиво.
Сето соединете го во мазна смеса. (Јас земам пластичен сад на вага и ги додавам состојките една по една и така ги мерам).
Претходно загрејте ја рерната на 200 степени.
Плех 30х20 малку намастете го и набрашнете го.
Излејте ја смесата и одозгора нафрлете исцедени вишни, па малку притиснете.
Печете на 180 степени околу 30 минути.
Изладениот колач наросете го со шеќер во прав.
Тестото е одлично и вишните не пропаѓаат на дното.
Мерка за поголем плех 35х22:
3 јајца
300 г шеќер
1 ванилин шеќер
300 г јогурт
150 г масло
400 г брашно
1 прашок за печиво
Фото и рецепт: Нермина ЈордамовиЌ
