Мајските денови се идеални за пресадување цвеќиња во затворен простор. Покрај таканаречената „моминска среќа“, фикусите и филадендроните, во текот на пролетта треба да се пресадат и собните (африкански) темјанушки или познати како љубичици, за во наредните месеци повторно да процветаат и да заблескаат во полн сјај.
Дека вашите љубичици имаат потреба од пресадување ќе забележите доколку се појавила бела обвивка на горниот слој на подлогата или кога лисјата почнуваат да скапуваат и паѓаат. Пресадувањето не е комплициран процес. Сè што е потребно е да го извадите растението заедно сосе почвата во корењата и да го префрлите во нова, поголема саксија.
Задолжително додајте уште малку растресита и плодна земја околу пресаденото растение, а потоа преземете еден важен чекор, а тоа е да поставите празни оревови лушпи на дното, кои ќе прават одлична дренажа. Потоа нешно залијте ги со вода на собна температура.
Пролетта е исто така идеално време за размножување на овие прекрасни цвеќиња во затворен простор. Одделете цврст лист кој е најдолу, ако може со „отчепување на главното растение“ засечлете го под агол од 45 степени, спуштете го листот во мала пластична чаша исполнета со земја и покријте ја чашата со пластична-стреч фолија или кеса.
Наводнувајте само кога почвата на површината на садот е сува, но не ја отстранувајте кесата, бидејќи ја задржува влагата што ќе му помогне на новото растение да порасте. Доколку имате љубичици стари неколку години и сакате да ги подмладите, поделете го коренот на неколку делови и секој ставете го во саксија со нова растресита и плодна земја.
Добро притиснете го коренот, а потоа наводнете го растението и оставете го да стои во близина на извор на светлина, но не на директна сончева светлина. За неколку недели, новите растенија убаво ќе се вкоренат и ќе почнат да даваат густи цвеќиња.
Клучот за цветање
Африканските темјанушки ќе цветаат обилно со малку дополнително внимание. Ако прашате наоколу, една од најчестите поплаки што ќе ги слушнете за африканските темјанушки е: „Не ми цветаат, остануваат само зелени листови во саксијата“.
Колку сопственици на растенија заборавиле каква боја има цвеќето на нивното растение затоа што поминало толку долго откако еднаш прецветало? За да ја натерате вашата љубичица да цвета одново и одново, трикот е многу светлина и вештачко ѓубриво.
Дајте им што е можно повеќе светла индиректна светлина што е можно подолго секој ден. Ѓубрете со јачина ¼ секој пат кога полевате за да му ги дадете на растението хранливите материи што и се потребни за да продолжи да цвета.
Забелешка – Ако изберете да ѓубрите со секое наводнување, може да се наталожат соли во почвата. За да спречите оштетување на вашите љубичици, полевајте ги без ѓубриво еднаш месечно за да ги исфрлите вишокот соли.
Ако на вашето растение му дадете доволно светлина и храна, ќе се изненадите колку често ќе ве поздравуваат со живописни цветови и здрави смарагдно зелени лисја. Добро нахранета љубичица ќе цвета неколку пати годишно.
Вообичаени проблеми/штетници
Еден од најчестите проблеми со африканските темјанушки е гниење на коренот од прекумерно наводнување. Ќе забележите овенати стебла дури и откако растението ќе се напои. Наводнувајте ги само кога горниот сантиметар од почвата е сув и не дозволувајте да седат во вода. Погрижете се саксијата да има дупка на дното за да се исцеди вишокот вода.
Ако листовите се светло зелени или изгледаат избелени, вашата мала љубичица добива премногу сонце. Преместете го на место со помалку директна сончева светлина. Дамките од ‘рѓа на листовите се знак дека премногу го ѓубрите. Полевајте го само со обична вода неколку недели за да се измие вишокот ѓубриво од почвата.
Африканските темјанушки понекогаш можат да подлегнат на габа или прашкаста мувла. Ова често се случува кога растението е премногу наводнувано и/или му е премногу студено. Најдобар начин за лекување на растението е да се отстранат сите заразени лисја со стерилен пар ножици и да се испрскаат со фунгицид. Повеќе за пресадувањето и одржувањето на љубичиците прочитајте ОВДЕ.
