Радикално чистење на системот за дишење: вака се јакнат белите дробови и се зголемува нивниот капацитет

Најповолниот период за чистење или лекување на респираторниот систем е пролетта.

Белите дробови извршуваат многу многу важни финкции: Го елиминираат јаглеродниот диоксид, го штитат телото од внес на прашина и други штетни материи, и што е најважно, ги снабдуваат органите и ткивата со кислород. Комплетна животна активност на организмот е невозможен без белите дробови, а човековото здравје зависи од нивната состојба.

Во мирување ткивата на човековото тело трошат 0,3 литри кислород во една минута. Ова се обезбедува доколку белодробните крила се здрави.

Причина за респираторна дисфункција

Loading...

-пушење
-вдишување на издувни гасови и хемиски испарувања
-неизбалансирана исхрана
-неправилно лекување на настинка
-последици од прележана белодробна болест

Сето ова доведува до фактот дека на телото му недостига кислород, а тоа пред сè, го ремети мозокот и може да биде причина за развој на разни болести.

СИМПТОМИ НА БЕЛОДРОБНА БОЛЕСТ

Ако белодробните крила не функционираат правилно, се појавуваат следните симптоми:

-упорна кашлица
-тешко дишење
-чести главоболки
-брзо заморување
-опстипација

Ако белите дробови се чисто, тогаш поголемиот дел од кислородот навлегува во целиот организам, со што се забрзуваат метаболните процеси, се придонесува за брзо обновување на клетките и излекувањето на целиот организам.

Најповолниот период за чистење или лекување на респираторниот систем е пролетта.

Постојат четири основни методи со чија помош можете да ги исчистите белите дробови…

I.Вежби за дишење

Вежбите за дишење се еден од најдобрите начини за чистење на белите дробови. Не мислиме на обичното „длабоко“ дишење, туку на специјален вид вежби кои овозможуваат детоксикација на белодробните крила. Ќе ви опишеме една од нив:

Оваа вежба темелно ќе ги исчисти вашите бели дробови, но потребно е да ја правите наутро кога воздухот е свеж и чист за да ви осигура одличен почеток на денот.

1.Во стоечка положба опуштете се, со рацете од страна а нозете малку раздвоени.

2.Неколку пати длабоко вдишете и издишете низ нос.

3.Сега вдишете низ нос и полека издишете низ уста, се додека да го испразнете сиот воздух. Но не застанувајте овде, бидејќи во реалноста, во белите дробови секогаш заостанува уште малку воздух, па така, тој секогаш останува таму непроменет додека ние дишеме. Сега, натерајте ја вашата дијафрагма да ја истисне и оваа мала преостаната количина воздух: неколку пати издишете со звучно „ха…ха…ха“, се додека да почувствувате дека во белите дробови навистина нема повеќе воздух.
Во тој миг ќе почувствувате како вашиот стомак се вовлекува навнатре.

4.Низ носот, полека вдишете свеж, чист воздух во празните бели дробови.

5.Наполнете ги белодробните крила до крај, а потоа задржете го воздухот 5 секунди, полека броејќи 1…2…3…4…5. Во овој миг, кислородот ги исполнил вашите бели дробови, и секоја клетка во организмот.

6.Повторно издишете низ уста, се додека да го испразните целиот воздух и повторете „ха…ха…ха“ за да го исфрлите и преостанатиот воздух од белите дробови.

Вратете се на чекор 4.

Повторувајте ја вежбата неколку пати. Покрај тоа што ги прочистува белите дробови, оваа вежба ќе ви обезбеди и цврст и рамен стомак.
Доколку почувствувате болка при вежбата, прекинете, а повторете ја кога за тоа ќе бидете подготвени.

II.Инхалација со етерични масла

Редовно (2-3 пати седмично) правете инхалација со етерични масла: еукалиптус, пеперминт, рузмарин или мајчина душичка. Тоа ќе ви помогне брзо да ги исчиститебелите дробови од токсини и вишок слуз. За таква инхалација не е потребно да купувате специјализиран уред.

Едноставно загрејте вода во тенџере и во неа додадете неколку капки природно етерично масло. Вдишувајте од топлата пареа која веднаш ќе делува пријатно и релаксирачки, па ќе ги олесни проблемите со дишењето.

Може да се користи и при грип, настинка, бронхитис, ларингитис и други респираторни тегоби.

III.Корекција во исхраната

Како и секое друго чистење на организмот, така и чистењето на белите дробови вклучува корекција во исхраната. Здравата исхрана е многу важна бидејќи ги придвижува природните механизми за чистење на телото и јакнење на имунитетот. Во текот на чистењето се препорачува зголемен внес на течности (вода, овошје и зеленчук). Некои намирници се од особено значење за здравјето на белите дробови:

Чили: лутата храна како што е чилито помага во разградување на вишокот слуз во белите дробови и општо во организмот. Токму затоа, кога јадете лута храна, може да ви протече носот. На истиот начин лутата храна делува и врз вишокот слуз и катран во белите дробови и помага во нивна полесна елиминација.

Вода: Да, обичната вода е најдоброто средство за чистење на организмот! Обидете се да не внесувате газирани пијалаци, кафе или алкохол. Дајте и предност на обичната чиста вода. Добрата хидратација е клучна за здравјето, бидејќи го забрзува процесот за чистење на организмот од токсини.

Кромид: Оваа универзална билка е богата со многу важни нутриенти. Спречува појава на многу болести, вкучувајќи и рак и инфекции на белите дробови, помага во разградувањето на слузта и исфрлањето на токсините од организмот.

IV.Билки кои помагаат во отстранување на катранот, токсините и вишокот слуз

Поточарка (Nasturtium officinale)

Многумина алтернативци сметаат дека поточарката е неизбежна во процесот на чистење на белите дробови. Од поточарката се прават едноставни и вкусни јадења, кои ефикасно ги чистат белите дробови од токсини.

Оваа супа се препорачува да се јаде двапати месечно, посебно за активните и пасивните пушачи.

Потребни состојки:

1 кг поточарка (цветови и стебленца)
2 чаши урми
4 чаши вода

Постапка:

Сите состојки ставете ги во тенџере на тивок оган. Кога ќе зоврие, намалете го огнот и варете минимум 4 часа. Ако на површината од супата се појави пена, слободно отстранете ја со лажица. Кога супата ќе биде готова, зачинете по вкус.

Оваа супа можете да ја сервирате со ориз и други јадења.

Напомена: Многу е важно да употребувате точни пропорции од намирниците и супата да ја готвите најмалку четири часа.

Ѓумбир

Ѓумбирот е моќно средство за детоксикација на белите дробови. Можете да го користите на повеќе начини. Чајот од ѓумбир со лимон – го олеснува дишењето и ја забрзува елиминацијата на токсините од дишните патишта. Можете да направите и топла бања со ѓумбир во прав, во времетраење од 20 минути. При тоа, ќе го поттикнете потењето а порите ќе се отворат, со што полесно ќе се елиминираат токсините, а пареата која ќе ја вдишувате ќе го олесни дишењето.

Со секој оброк изедете по едно мало парче свеж ѓумбир. Тоа ќе ја подобри вашата дигестија и ќе допринесе во чистењето на организмот.

Loading...