Овие рецепти за солени обланди се помеѓу највкусното предјадење за сите пригоди. Се прават многу едноставно и лесно, а може да ги правите и по сопствен вкус да им додавате или одземате некои од состојките. Подготвивме неколку рецепти, ова се нашите предлози:
Потребни состојки: 1 пакување обланди, 400 г кисела павлака, 500 г свежо сирење, 4 варени јајца, 200 г кашкавал, 250-300 г шунка. Постапка: Со миксер изматете ги павлаката и сирењето. На првата обланда намачкајте фил од павлака, па наредете ја шунката, па на следната обланда повторно премачкајте го филот, па изрендајте 2 јајца и 100 г кашкавал.
Одозгора ставете уште една обланда, па филот, па шунката и уште еден ред обланда, фил , рендани 2 јајца и 100 г сирење. Последната обланда можете да ја премачкате со малку мајонез или павлака и да го изрендате кашкавалот.
Но, пред тоа ставете тврд предмет врз нив за да се залепат подобро и да отстојат кратко време така на собна температура. Обландите се ставаат во фрижидер малку да се стегнат, па се послужуваат. / Coolinarka.com
II РЕЦЕПТ. Потребни состојки: 250 г маргарин, 600 г шунка, 600 г младо сирење, 400 г крем сирење, 200 г мајонез, 1 лажица масло, 100 г печеница, 600 мл кисела павлака, 200 г сирење, 1 пакување големи обланди, сол.
Постапка: Ситно исечкајте ја шунката и печеницата. Се матат маргаринот, ренданото младо и крем сирењето, павлаката и мајонезот. Додајте една лажица масло, малку сол по вкус, шунка ситно исечкана и печеница и промешајте.
Со подготвената смеса се полнат обландите и се редат една врз друга додека да се потроши подготвениот материјал. Последниот лист обланда премачкајте го со тенок слој фил и наросете со рендано сирење. Солената обланда се става кратко во фрижидер, а потоа се сече на коцки.
III РЕЦЕПТ. Потребни состојки: 1 голема конзерва туна, 200 г солени крекери, 100 г маргарин, 100 мл јогурт, 5 јајца, 1 лист oбланда, 200 г ајвар.
Постапка: Сомелете ги крекерите и прелијте ги со јогуртот. Додајте го маргаринот претходно омекнат на собна температура, туната и убаво измешајте. Јајцата се варат, па се лупат и се оставаат да се изладат.
Обландата премачкајте ја со филот од крекери, нанесете слој ајвар и наредете ги варените јајца по долниот раб. Почекајте 5 минути да омекне обландата, па завиткајте ја во ролна, завиткајте во фолија и оставете ја во фрижидер да се стегне. Затегнат и изладен ролатот се сече на парчиња и се сервира.
IV РЕЦЕПТ. Потребни состојки: 2 листа обланди, 300 г свежи колбаси, 300 г ајвар, 2 јајца, 250 г сирење. Постапка: Сирењето се ренда на поголемо ренде. Колбасите испасирајте ги и извадете ги од лушпата, а добиената смеса соединете ја со ајварот, јајцата и убаво измешајте. Со подготвениот фил премачкајте ги листовите обланди.
Наполнетата обланда се става во плех и се пече во загреана рерна на 200°C, 15 минути. На ист начин испечете уште една обланда. Испечените обланди се сечат на половина, се наросуваат со рендан кашкавал и се редат една врз друга.
Вратете кратко во загреаната рерна додека да се растопи кашкавалот. Потоа извадете го од рерна, оставете ги да се изладат и исечете ги на коцки.
