Неодамнешна студија потврди дека нашето расположение е директно поврзано со храната која ја јадеме. Ова е откритието на новата студија објавена во „Дневникот за персонализирана медицина.“
Менталното здравје на жените е поврзано дури и директно со храната што ја јадат, особено јадењето на цели зрна, мешунки, овошје и зеленчук им овозможува на луѓето да работат поконцентрирано, да бидат повеќе продуктивни, но и оваа храна отстапува од вообичаената американска диета богата со маснотии и бел шеќер, што може негативно да влијае на расположението и здравјето.
Студијата, предводена од истражувачи од Универзитетот Бингамтон во Њујорк, открила дека менталното здравје на жените е под влијание на храната која ја јадат, вежбањето, па дури и кофеинот што го кон-сумираат отколку кај мажите.
Исто така, студијата открила дека вознемиреноста што кофеинот може да ја предизвика кај некои жени се неутрализира со вежбање. Студијата ги следела навиките во исхраната на околу 1.200 мажи и жени постари од 30 години преку анонимни онлајн прашалници, за да се открие влијанието на факторите во исхраната, како што се колку често се хранеле здраво, што јаделе неколку часа пред вежбање и колку кофеин влијаел на нивното ментално здравје.
До крајот на студијата, истражувачите откриле дека менталното здравје на жените е повеќе поврзано со диететски фактори отколку кај машката ментална благосостојба. Тие откриле клучни варијации во навиките во исхраната и начинот на живот кои можат или да ја поддржат или спречат нечија ментална благосостојба и расположение, докажувајќи дека расположението и храната се интегрално поврзани.
Доколку јадењето под с трес ве наведува да јадете чипс, колачиња и друга нездрава храна, правите голема грешка. Нездравата храна го намалува вашето расположение и доведува до нови самоуни-штувачки навики.
Исхраната игра клучна улога во менталниот изглед, еластичноста и целокупното расположение, открила студијата. Одговорот е да се јаде поздраво за да се чувствуваме подобро и психички и физички, според авторите.
Врската помеѓу расположението и исхраната влијае на жените повеќе отколку на мажите. „Интересно е што откривме дека за нездравите начини на исхрана, нивото на ментална вознемиреност беше повисоко кај жените отколку кај мажите, што потврди дека жените се повеќе подложни на нездраво јадење отколку мажите“, д-р Лина Бегдаче, професор на универзитетот Бингемтон, кој е и главен истражувач на студијата.
Здравата исхрана им помага на жените да вежбаат повеќе
Резултатите од студијата откриле дека јадењето повеќе на здрава храна е поврзано и со поголема фреквенција на вежбање, што укажува на тоа дека постои и врска помеѓу јадењето здрава храна и вежбањето – за кое исто така се знае дека ја подобрува менталната благосостојба. Ова може да се припише на тоа како хранливите материи во храната доведуваат до одржување на стабилна гликоза во кр-вта, како и одржување на нормален кр-вен притисок.
Здравата храна исто така му помага на вашиот мозок подобро да функционира
Покрај тоа, науката укажа дека хранливите материи во здравата храна (интегрални житарки, темнозелени лисја, мешунки) доведуваат до оптимална синтеза на невротрансмитерите и функција на мозокот, што може да ја подобри мотивацијата и изведбата на физичката активност.
„Здравата храна може да обезбеди одредена концентрација на аминокиселини кои делуваат како невротрансмитери. Некои од овие невротрансмитери можат да влијаат на расположението и мотивацијата “, објасни д-р Бегдаче.
Недостатокот на кон-сумирање здрава храна не само што влијае негативно на секојдневната рутина на тренингот, туку исто така предизвикува и ментален с трес. „Кога луѓето вежбаат напорно без соодветна исхрана, може да има влијание врз нивната функција на мозокот – што доведува до с трес и лошо расположение “, вели д-р Бегдаче.
Како кофеинот може да влијае на расположението на жените
Претходните студии покажале дека вишокот кофеин е поврзан со чувство на вознемиреност. Оваа студија забележала дека вежбањето ја сменило негативната врска помеѓу кофеинот и менталното вознемирување кај жените, но немало ист ефект кај мажите.
Оваа асоцијација може да се припише на тоа како стимулансите работат на мозокот. „Кофеинот го одложува заморот за време на вежбање“, заклучува студијата. Затоа, жените кои кон-сумираат високо ниво на кофеин и не вежбаат имаат поголема веројатност да доживеат ментален с трес отколку оние кои вежбаат.
Кон-сумирањето кофеин пред вежбање се покажало дека помага да се зголемат придобивките од вежбањето дозволувајќи му на поединецот да работи подолго без да почув ствува замор. Претходните студии покажале дека кон-сумирањето кафе пред тренинг може да ги подобри перформансите.
Ниско до умерено вежбање помага за одржување на менталното здравје на мажите
Студијата открива дека ниското до умерено вежбање ја одржува менталната благосостојба кај мажите, без оглед на тоа каква храна кон-сумираат. Сепак, слабото вежбање не доведува до ментална благосостојба кај жените дури и ако тие кон-сумираат здрава храна. Ова сугерира дека жените треба да се занимаваат со умерена до енергична физичка активност покрај здравата исхрана за да постигнат ментална здравствена состојба.
На крајот, диференцијалната врска помеѓу вежбањето, менталното здравје и здравата храна кај мажите и жените бара понатамошно истражување. Идните истражувања за исхраната и расположението треба да го земат предвид потенцијалниот индиректен ефект на вежбањето како медијатор.
Повеќе за студијата прочитајте ОВДЕ.
