Уште од самиот почеток на пандемијата, Јапонците особено внимаваат на исхраната и внесот на јодот, па веројатно и затоа имаат најмала стапка на см-тн-ост кај населението. Јодот игра голема улога во јакнењето на одбранбениот систем на организмот.
Најновата статистика говори дека во земјата на изгрејсонцето има само 18 изгубени животи на милион население, а многумина сметаат дека токму внесот на јодот е тајната со која се послужиле јапонците во превенцијата и заштитата од вирусот.
Анализирајќи ги податоците за бројот на почи-нати во светот од новата пандемија, професорот д-р Верхесен заклучил дека количината на внесениот јод има важно влијание врз стапката на преживување.
Како пример наведува дека епидемиолошките податоци покажуваат дека моментната пандемија кај Јапонците, кои се познати по редовен внес на јодот во својата исхрана, имаат многу ниска см-тн-ост од вирусот, во споредба со другите земји.
Ова е изненадувачки ако се земе во предвид фактот дека Јапонците имаат најстара популација во светот и дека националните мерки за затворање беа меѓу најлабавите. Не е ни чудо што многумина ја нарекоа Јапонија вистинско “чудо” за време на пандемијата.
Јодот би требало да се внесува преку храна, а најмногу се содржи во алгите, морската риба и готварската сол. Одлични извори се и јогуртот, бакалар, јајца, туна, пченка, сливи, сирење и банани. Дневниот внес на јодот треба да изнесува 1,5 милиграми до 2,4 милиграми по лице.
Не смеат да се земаат суплементи без надзор или препорака на лекар, бидејќи предозирањето со јод би можело да предизвика пореметување на метаболизмот и разни други функции во организмот.
ПРОЧИТАЈТЕ ДОКОЛКУ ВЕ ИНТЕРЕСИРА – Тивки знаци кои укажуваат дека ви недостига јод: се дебелеете, ви опаѓа косата, уморни сте и се подувате
Јодот е основен минерал кој најчесто се наоѓа во морската храна. Вашата тироидна жлезда го користи за да произведе тироидни хормони, кои помагаат да се контролира растот, да се санираат оштетените клетки и да се поддржи здрав метаболизам.
За жал, третина од луѓето ширум светот се изложени на ризик од недостаток на јод. Со најголем ризик се: бремени жени; луѓе кои живеат во земји каде има многу малку јод во почвата, како што се Јужна Азија, Југоисточна Азија, Нов Зеланд и некои европски земји.
Потоа, луѓе кои не користат јодизирана сол и луѓе кои имаат вегетаријанска или веганска исхрана. Недостиг на јод може да предизвика непријатни, па дури и сериозни симптоми, како: оток во вратот, проблеми поврзани со бременоста, зголемување на телесната тежина и тешкотии во учењето.
Симптомите се многу слични на оние на хипотироидизам кога нивото на тироидни хормони е пониско од нормалното. Бидејќи јодот се користи за производство на тироидни хормони, недостатокот на јод значи дека вашето тело не може да создаде доволно, што доведува до хипотироидизам.
Ова се 10 знаци и симптоми за недостаток на јод:
I – Оток во вратот: Оток во предниот дел на вратот е најчестиот симптом за недостаток на јод. Ова се нарекува гушавост и се јавува кога тироидната жлезда е зголемена. Тироидната жлезда е мала жлезда во форма на пеперутка сместена во предниот дел на вратот.
Ги произведува хормоните на тироидната жлезда по приемот на сигнал од стимулирачкиот хормон (TSH). Кога нивото на TSH во крвта се покачува, тироидната жлезда го користи јодот за да ги создаде тироидните хормони. Меѓутоа, кога на вашето тело му недостига јод, не може да произведе доволно хормони.
За да го компензира овој недостиг, тироидната жлезда работи напорно, со што се предизвикува клетките да растат и да се размножуваат и на крајот доведувајќи до гушавост.
За среќа, повеќето случаи можат да се третираат со зголемување на внесот на јод. Меѓутоа, ако гушавоста не се лекува во подолг временски период, тоа може да предизвика трајно оштетување на тироидната жлезда.
РЕЗИМЕ: Оток во предниот дел на вратот или гушавост е вообичаен симптом на недостаток на јод. Се јавува кога тироидната жлезда е принудена да направи хормони на тироидната жлезда кога има слабо снабдување со јод во организмот.
II – Неочекувано зголемување на телесната тежина. Ненадејното зголемување на телесната тежина е уште еден знак за недостаток на јод. Може да се појави ако телото нема доволно јод за да направи тироидни хормони.
Ова е затоа што тироидните хормони помагаат во контролата на брзината на вашиот метаболизам, а тоа е процес со кој вашето тело ја претвора храната во енергија и топлина.
Кога нивото на тироидните хормони е на ниско ниво, вашето тело согорува помалку калории во мирување. За жал, ова значи дека повеќе калории од храната што ја јадете се складираат како маснотии.
Додавање на повеќе јод во вашата исхрана може да помогне да се вратат ефектите од бавниот метаболизам, бидејќи тоа може да му помогне на вашето тело да произведе повеќе тироидни хормони.
РЕЗИМЕ – Ниското ниво на јод може да го забави вашиот метаболизам и да ја поттикне храната да се складира како масни депозити, наместо да се согорува како енергија. Ова може да доведе до зголемување на телесната тежина.
III – Замор и слабост. Замор и слабост се исто така вообичаени симптоми за недостаток на јод. Всушност, некои студии откриле дека речиси 80% од луѓето со ниско ниво на тироидните хормони, кои се јавуваат во случаи на јоден дефицит, се чувствуваат уморни, слаби и изнемоштени.
Овие симптоми се јавуваат затоа што тироидните хормони му помагаат на телото да создаде енергија. Кога нивото на хормонот на тироидната жлезда е ниско, телото не може да направи онолку енергија колку што обично прави.
Ова може да предизвика вашето ниво на енергија да опаѓа и да ве направи да се чувствувате слаби. Всушност, една студија спроведена врз 2.456 луѓе открила дека заморот и слабоста се најчестите симптоми кај оние со ниско или малку ниско ниво на тироидниот хормон.
РЕЗИМЕ – Ниското ниво на јод може да направи да се чувствувате уморни, слаби и изнемоштени. Ова е затоа што на вашето тело му е потребен минералот за да произведе енергија.
IV – Губење на косата. Тироидните хормони помагаат да се контролира растот на фоликулите на косата. Кога нивото на тироидните хормони е на ниско ниво, фоликулите на косата може да престанат да се регенерираат. Со текот на времето, ова може да резултира со губење на косата.
Поради оваа причина, луѓето со недостаток на јод може да страдаат и од опаѓање на косата. Една студија спроведена кај 700 луѓе открила дека 30% од оние со ниско ниво на тироидните хормони доживеале опаѓање на косата.
Сепак, други студии откриле дека ниското ниво на хормони на тироидната жлезда само предизвикува губење на косата кај оние со семејна историја на опаѓање на косата. Доколку имате губење на косата заради недостаток на јод, надополнувањето на овој минерал може да помогне во корекција на нивото тироидните хормони и да се стопира опаѓањето на косата.
РЕЗИМЕ – Недостаток на јод може да спречи регенерирање на фоликулите на косата. За среќа, надополнување на недостигот од јод може да ја коригира оваа состојба.
V – Сува кожа која се лупи. Сувата кожа може да се појави кај многу луѓе со недостаток на јод. Всушност, некои студии откриле дека до 77% од луѓето со ниско ниво на хормони на тироидната жлезда може да имаат сува кожа која се лупи.
Тироидните хормони, кои содржат јод, им помагаат на клетките на кожата да се регенерираат. Кога нивото на тироидните хормони е на ниско ниво, оваа регенерација не се јавувува толку често, што може да доведе до сува, испукана кожа.
Покрај тоа, хормоните на тироидната жлезда му помагаат на телото да ја регулира потта. Луѓето со пониско ниво на хормони на тироидната жлезда, како што се оние со јоден дефицит, имаат тенденција да се потат помалку од луѓето со нормално ниво на хормони на тироидната жлезда.
Со оглед на тоа дека потта помага да се задржи вашата кожа влажна и хидрирана, недостатокот на пот може да биде уште една причина зошто сувата и испукана кожа е вообичаен симптом на недостаток на јод.
РЕЗИМЕ – Сува, ронлива кожа може да се појави поради недостаток на јод, бидејќи минералот им помага на вашите клетки на кожата да се регенерираат. Исто така, му помага на вашето тело да се поти и да ги хидрира клетките на кожата, така што недостатокот на јод може да предизвика помалку потење.
VI – Чувство на студенило. Чувството на студ е вообичаен симптом на недостаток на јод. Всушност, некои студии откриле дека над 80% од луѓето со ниско ниво на тироидните хормони може да се чувствуваат почувствителни на пониски температури од вообичаеното.
Бидејќи јодот се користи за производство на тироидни хормони, недостаток на јод може да предизвика пад на нивото на тироидниот хормон. Со оглед на тоа што тироидните хормони помагаат во контролата на брзината на вашиот метаболизам, ниското ниво на тироидните хормони може да предизвика да се забави.
Бавниот метаболизам создава помалку топлина, што може да предизвика да се чувствувате постудено од вообичаеното. Исто така, хормоните на тироидната жлезда помагаат во зајакнувањето на активноста на вашите кафеави масни клетки, еден вид на масно ткиво што е специјализирано за создавање топлина.
Ова значи дека ниското ниво на хормони на тироидната жлезда, што може да биде предизвикано од недостаток на јод, може да ја спречи кафеавата маст да си ја врши својата работа.
РЕЗИМЕ – Јодот помага во генерирање на телесна топлина, така што ниското ниво може да направи да се чувствувате постудено од вообичаеното.
VII – Промени во отчукувањата на срцето. Вашата срцева фреквенција е мерка колку пати срцето чука во минута. Може да биде под влијание на вашиот јод. Недостиг на овој минерал може да предизвика вашето срце да чука побавно од вообичаеното, додека премногу количество може да предизвика вашето срце да чука побрзо од вообичаеното.
Тежок недостаток на јод може да предизвика абнормално забавено отчукување на срцето. Ова може да направи да се чувствувате слаби, заморни, со вртоглавица и изнемоштеност.
РЕЗИМЕ – Недостаток на јод може да го забави срцевиот ритам, што може да направи да се чувствувате слаби, да дојде до појава на замор, вртоглавица и несвестица.
VIII – Проблеми со учење и запомнување. Недостаток на јод може да влијае на вашата способност да учите и да запомните. Една студија, вклучувајќи повеќе од 1.000 возрасни лица, откри дека оние со повисоко ниво на тироидните хормони работеле подобро на тестовите за учење и меморија, споредено со оние со пониско ниво на тироидните хормони.
Тироидните хормони му помагаат на вашиот мозок да расте и да се развива. Ова е причината зошто недостаток на јод, кој е потребен за создавање на тироидни хормони, може да го намали развојот на мозокот.
Всушност, студиите откриле дека хипокампусот, делот од мозокот кој ја контролира долгорочната меморија, се чини дека е помал кај луѓе со ниско ниво на тироидните хормони.
РЕЗИМЕ – Недостаток на јод на која било возраст може да предизвика да се борите да научите и запомните работи. Една можна причина за ова може да биде неразвиениот мозок.
IX – Проблеми за време на бременоста. Бремените жени се изложени на голем ризик од недостаток на јод. Затоа тие треба да консумираат доволно за да ги задоволат сопствените дневни потреби, како и потребите на нивното растечко бебе.
Зголемената побарувачка за јод продолжува во текот на доењето, бидејќи бебињата добиваат јод преку мајчиното млеко. Ако не се консумира доволно јод во текот на бременоста и доењето може да предизвика несакани ефекти и за мајката и за бебето.
Мајките може да доживеат симптоми на неактивна тироидна жлезда, како што е гушавост, слабост, замор и чувство на студ. Во меѓувреме, недостаток на јод кај новороденчињата може да го влоши нивниот физички раст и развој на мозокот. Покрај тоа, сериозен недостаток на јод може да го зголеми ризикот од породување
РЕЗИМЕ – Добивањето доволно јод е особено важно за бремени жени и доилки, бидејќи тие имаат поголеми потреби. Недостаток на јод може да предизвика сериозни несакани ефекти, особено за бебето, како што е недоволен раст и развој на мозокот.
X – Тешки или неправилни менструални периоди. Тешко и нередовно менструално крварење може да се појави како резултат на недостаток на јод.
Како и повеќето симптоми на недостаток на јод, ова е исто така поврзано со ниското ниво на тироидни хормони, со оглед дека јодот е потребен за да се создадат тироидни хормони.
Во една студија, 68% од жените со ниско ниво на тироидните хормони имале нередовни менструални циклуси, споредено со само 12% од здрави жени. Истражувањата исто така покажуваат дека жените со ниско ниво на тироидни хормони доживуваат почести менструални циклуси со тешко крварење. Ова е затоа што ниското ниво на хормони на тироидната жлезда ги нарушува сигналите на хормоните кои се вклучени во менструалниот циклус.
РЕЗИМЕ – Некои жени со недостаток на јод може да имаат тешки или нередовни периоди. Ова е затоа што ниското ниво на хормони на тироидната жлезда може да се меша со хормоните кои се вклучени во регулирањето на менструалниот циклус.
Извори на јод: Постојат многу малку добри извори на јод во исхраната. Ова е една од причините зошто недостатокот на јод е вообичаен ширум светот. Препорачаната дневна доза (RDI) е 150 mcg на ден. Оваа количина треба да ги задоволи потребите на 97-98% од сите здрави возрасни лица.
Сепак, на бремените жени или доилки им треба повеќе. На бремените жени им треба 220 mcg на ден, додека на доилките им е потребно 290 mcg на ден (39). Храната подолу е одличен извор на јод: леб, интегрален, едно парче: 11-1989% од RDI
Потоа, јогурт, обичен, 1 чаша: 50% од RDI; јодизирана сол, 1/4 лажичка (1,5 грама): 47% од RDI; ракчиња, 85 грама: 23% од RDI; јајце, 1 големо: 16% од RDI; туна, конзервирана, 85 грама: 11% од RDI; сушени сливи, 5 сливи: 9% од RDI
Алгите обично се одличен извор на јод, но тоа зависи од тоа од каде потекнуваат. Оние кои потекнуваат од Јапонија, се доста богати со јод. Помали количини на овој минерал се наоѓаат и во најразлична храна како риба, школки, говедско, пилешко, лима и пинто грав, млеко и други млечни производи.
Најдобар начин да се добие доволно јод е да додадете јодизирана сол во вашите оброци. Половина лажичка (3 грама) во текот на денот е доволно за да се избегне недостаток. Ако мислите дека имате недостаток на јод, најдобро е да се консултирате со вашиот лекар.
