Свечена бела чорба за слави и празници – ја готвам редовно и секогаш се тура уште една чинија. Рецепт и видео презентација на Ивана од “Шерпица” – Свечена бела чорба за слави и празници. Секогаш варам полно тенџере, па чорбата ја јадеме два дена. Мене ми е доволна како оброк и секогаш се дополнува уште по една или две чинии.
Потребни состојки: Околу 1 кг пилешко месо со коски, а без коски е околу 600 г чисто месо, 200 г пашканат, 200 г магдонос, 350 г морков, 400 г компир, 250 г кромид, 100 г целер, 1 чешне лук, 150 г грашок, ловоров лист, магдонос, сол, црн пипер, сув зачин по вкус.
За легир: 200 г кисела павлака, 1 јајце, сок од еден лимон, 100 путер или масло, 1 полна лажица брашно.
Постапка: Во поголемо тенџере (повеќе од 5 литри) ставете го измиеното месо и прелијте го со 5 литри вода, па ставете го на оган и оставете го да зоврие. После првото зовривање кога ќе се насобере пената, соберете ја и отстранете ја со помош на лажица или цедалка.
За тоа време измијте го и излупете го зеленчукот (и повторно измијте го), па додадете го заедно со месото. Коренестиот зеленчук исечете го на половинки или четвртинки за да проверите дали и во средишниот дел плодот е здрав (се случува некогаш внатре да биде труло).
Оставете да се вари на умерен оган додека сите состојки да омекнат. Треба да се вари под капак, малку подотворен (преку тенџерето ставете дрвена лажица, а потоа капакот). Потоа со решеткаста лажица или штипалка извадете ги состојките, оставете да се подизладат, па ситно исечкајте ги.
Во посебен сад растопете путер и кратко пропржете го брашното. Црпнете половина литар од супата и додадете го во прженото брашно и промешајте. Додадете го исечканото месо и зеленчукот, остатокот од супата, а одозгора наросете ситно сечкан магдонос и варете уште 15-20 минути.
Во меѓувреме додадете ги зачините по вкус и желба. Кога ќе ја тргнете супата од рингла, во неа додадете го приготвениот легир: изматете јајце заедно со кисела павлака и лимонов сок. Деталите од целата постапка можете да ги погледнете во видеото ОВДЕ.
