Утре, 9.август, го славиме Светиот великомаченик Пантелејмон. Православната црква и нејзините верници го празнуваат Светецот кој ги лекувал луѓето.
Според легендата, Свети Пантелејмон уште како момче ги изучувал лекарските науки. Бил обвинет поради тоа што бил христијанин, и бидејќи не сакал да се одрече од својата вера, бил осуден ан смрт за време на царот Максимилијан, на почетокот од 4.век.
Легендата вели дека на губилиштето Св.Пантелејмон клекнал да се помоли. Џелатот го удрил со мачот по врат, но мачот се скршил на половина.
И никако не можел да го сосече сè додека светецот не ја завршил молитвата и самиот рекол дека е подготвен.
За Свети Пантелејмон народот верува дека му е брат на Свети Илија.
Верувања:
Ако планирате да започнете некоја работа, тогаш денот кога се празнува овој светител и вистински ден за тоа!
Се верува дека секоја започната работа Свети пантелејмон ќе ја благослови и ќе ја направи успешна.
Меѓу другото, доколку сте планирате некаде да патувате, тогаш ова е вистинскиот ден за тоа! Свети Пантелејмон бил голем патник, а денес е заштитник на сите оние, на кои патот им е втор дом.
Во Македонија релативно мал број луѓе го слават овој светител како крсна слава. Затоа, ако на овој ден се сретнат двајца непознати луѓе во црква со славски колач во рацете, тие се поздравуваат како блиски и си честитаат еден на друг, бидејќи се верува дека тоа ќе им донесе голем бериќет.
