За овој колач се вели дека толку многу е вкусен, што ќе ве направи среќни и ќе ве одведе на седмо небо.
Потребни состојки за бела кора:
5 белки
200 г кокос
100 г шеќер
1 лажица брашно
1 лист обланда
За темна кора:
5 белки
200 г мелени ореви
100 г шеќер
1 лажица брашно
1 лист обланда
За крем:
10 жолчки
100 г шеќер
1 ванилин шеќер
250 г путер/маргарин
Постапка:
Изматете ги белките со шеќерот додека тој да се растопи и да добиете цврст снег. Додадете го кокосот и една лажица брашно. Промешајте внимателно со лажица или шпатула, внимавајќи смесата да остане воздушеста.
Премачкајте ја рамнемрно обландата и ставете во загреана рерна да се пече 15 минути на 150 степени. За темната кора постапката е иста.
За фил: Изматете ги жолчките со шеќерот и ванилин шеќер, па сварете ги на пареа или во микробранова печка, за да се добие густа смеса. Оставете да излади, па потоа додадете путер на собна темепратура и изматете со миксер.
Белата кора премачкајте ја со кремот и одозгора преклопете ја со темната кора. Малку притиснете и оставете во фрижидер за да се стегне. По желба исечете на коцки или штангли. Деталите можете да ги погледнете во видеото:
