Фото и рецепт: Минја
Рецептот е многу лесен и не одзема многу време за приготвување. Сите што ќе ги пробаат овие бомбици се воодушевени. Можете и однапред да ги направите, во фрижидер без расипување може да се чуваат до 10 дена. Излегуваат 52 бомбици.
Комбинацијата од лешник, чоколадо и наполитанки е совршен.
Потребни состојки:
400 г посно чоколадо
180 г маргарин
200 г ситно сечкани печени лешници
300 г посни наполитанки со лешници (Штарк)
И уште:
250-300 г посно чоколадо
2-3 лажици масло
Постапка:
На пареа растопете го чоколадото и маргаринот. Додека се топи, лешниците ситно исечкајте ги, најдобро во некој блендер, а наполитанките поситно издробете ги. Додадете ги во растопеното чоколадо и добро промешајте.
Смесата оставете ја да излади на собна температура, а потоа префрлете ја во фрижидер на неколку минути, уште малку за да се стегне, па правете ги топчињата.
Ако случајно ја оставите подолго, нема да можете да ги правите топчињата, но ако сепак ви се случи такво нешто, ставете ја смесата во микробранова печка на неколку секунди за да се загрее малку и отпушти.
За глазирање растопете го чоколадото и додадете масло, па глазирајте како што тоа го правите вообичаено.
Напомена: Од смесата одвојував по 20 грама за секоја бомбица, па така добив вкуспно 52. Ги оставив топчињата да се оладат и стегнат пред да глазирам со чоколадото.
За глазирање може да се користи бело и црно чоколадо. Како ги правам шарените бомбици: Кога ќе го натопам топчето во црно чоколадо, веднаш малку го преливам со бело и го протресувам за да се разлие. Се добива одличен мраморен ефект.
