Фото и рецепт: Линда
Направив неколку измени во кремот, кој на сите премногу им се допадна. Ставив двојно помалку жолчки, што значи помалку холестерол и наместо маргарин ставив сварен крем со додаток од желатин, кој е одличен за коските и зглобовите.
Впечатокот е фантастичен, бидејќи светлите кори се одлични и кремот со идентична текстура, кој просто се топи во устата..
Потребни состојки:
9 белки
300 г шеќер
1 лажица јаболкова киселина
за крем:
350 мл млеко
25 г густин
150 г шеќер
1 ванилин шеќер
300 мл слатка павлака за шлаг
1,5 кесичка желатин во прав
4 жолчки
овошје по желба (јас ставив праски и киви)
Постапка:
Белките пенасто изматете ги со постепено додавање на шеќер и оцет. На крај не смее да се чувствува шеќерот, мора да биде растопен убаво.
Плехот од рерна обложете го со хартија, па рамномерно распоредете го снегот од белки и ставете да се пече еден час на 150 степени.
Печената кора пресечете ја на три делови.
За крем: Одземете малку од млекото за да ги промешајте жолчките и густинот. Добиената смеса без грутчиња сварете ја во зовриеното млеко со шеќер, со постојано мешање додека да згусне.
Слатката павлака измиксајте ја, а желатинот пригответе го според упатставата на кесичката.
Сварениот и изладен крем постепено додавајте го во изматениот шлаг, па на крај додадете го и растопениот желатин (откако ќе желира, растопете го малку на пареа).
Исечканото обошје додадете го во кремот или можете посебно да го наредете врз него.
Филувајте: Кора-фил-кора-фил-кора. Добро изладете пред послужување.
