🥖 КРАЛСКА ПОГАЧА ШТО СЕ ТОПИ ВО УСТА
Мека како путер, богата по вкус и идеална за празнична трпеза
Постојат рецепти што не се забораваат – се пренесуваат, се препознаваат по изгледот и уште повеќе по вкусот. Оваа кралска погача со какао и чоколадо е токму таков рецепт.
Тестото е воздушесто, меко и еластично, а комбинацијата од бело и кафеаво тесто создава впечатлив изглед достоен за празнична маса.
Ова е рецепт што често се подготвува за слави, празници, семејни собири, но и кога сакате нешто навистина посебно – без ризик и со сигурен резултат, пишува НМД. Еве што ви е потребно:
🧺 ПОТРЕБНИ СОСТОЈКИ
За тестото:
• 200 мл млако млеко
• 200 мл млака вода
• 100 г шеќер
• 10 г сув квасец
• 2 јајца
• 50 мл масло
• 6 г сол
• околу 800 г пченично брашно
• 50 г путер (омекнат)
За какао тестото:
• 30 г какао
• 5 лажици млеко
За фил:
• чоколаден крем (по избор и по вкус)
• чоколадни трошки
• НМД
За премачкување:
• 1 жолчка
• 1 лажица млеко
За посипување:
• сусам, кикиритки или по желба
👩🍳 ПОСТАПКА
Во длабок сад сипете млако млеко и млака вода, додајте шеќер и сув квасец, па промешајте додека да се раствори. Додајте ги јајцата, маслото и солта, па повторно измешајте.
Постепено додајте брашно и мешајте со шпатула додека да се формира меко тесто. Кога ќе стане погусто, додајте го омекнатиот путер и замесете со рака.
Пренесете го тестото на работна површина и месете додека да добиете мазно и еластично тесто. Поделете го на две еднакви топки. Покријте и оставете да нараснат околу 1 час.
Во едната половина додајте какао и млеко, па премесете додека да добиете рамномерно кафеаво тесто. И него покријте го и оставете го да одмори уште 1 час.
Обликување:
Белото тесто развлечете го во правоаголник со димензии приближно 60 × 40 см. Истото направете го и со кафеавото тесто, па ставете го врз белото.
На едниот крај премачкајте со чоколаден крем и посипете чоколадни трошки. Завиткајте ролат до половина. Другата половина исечете ја на ленти и секоја лента завиткајте ја спирално.
Продолжете да виткате до крај и оформете прстен, па префрлете го во тркалезен калап обложен со хартија за печење. Покријте и оставете да нарасне уште 30 минути.
Печење:
Измешајте жолчка со млеко, премачкајте ја погачата и посипете по желба.
Печете во загреана рерна на 160°C, околу 45 минути, додека да добие убава златна боја. Прочитајте го и рецептот за Кралски леб – ОВДЕ.
💡 ЗОШТО ОВОЈ РЕЦЕПТ СЕКОГАШ УСПЕВА
• Тестото е балансирано и лесно за работа
• Совршен за празнични менија и свечени трпези
• Одличен избор ако барате рецепт со визуелен ефект и сигурен вкус
• Погоден за комбинирање со различни филови и посипи
• Постапката можете да ја погледнете во видео прилогот ОВДЕ:
