Ние дома овој колач го викаме „мак пита“, зашто така одамна сум го запишала во тефтерот. Ќесто го правам зашто на сите им се допаѓа, а кој го пробал, веднаш побарал и рецепт. Има одличен вкус, особено за сите оние кои го обожаваат меленото семе од афион. Еве што ви е потребно:
ПОТРЕБНИ СОСТОЈКИ: 12 белки, 210 г шеќер, 3 до врв полни супени лажици брашно, 1 кесичка прашок за печиво (10 г), 200 г мелено семе од афион (мак). ЗА КРЕМ: 12 жолчки, 180 г шеќер, 7 супени лажици скроб/нишесте/густин, 2 кесички ванилин шеќер, 750 мл млеко, 200 г путер или маргарин
ПОСТАПКА: Вклучете ја рерната да се загрева на 170 степени. Одвојте ги белките од жолчките во различни садови, но веднаш делете ги, така што ќе правите 3 засебни пандишпани. Значи, 4 белки пенасто изматете ги со миксер.
Потоа започнете постепено да додавате 170 г шеќер. Продолжете да матите сè додека шеќерот да се растопи и да добиете цврст снег кој не паѓа од садот кога ќе го превртите. Во посебен сад измешајте една до врв полна супена лажица брашно, прашок за печиво и 65 г мелен мак/семе од афион.
Додајте ги сувите состојки во снегот од белки и бавно мешајте со лажица додека да се соедини. Пригответе калап со димензии 20х35 см (или приближно), обложете го со хартија па излејте ја во него подготвената смеса.
Израмнете и ставете да се пече во загреаната рерна 10-15 минути или додека малку да зарумени. истресете го бисквитот врз решетката за ладење и оставете го да се лади, па потоа превртете го полека и отстранете ја хартијата за печење.
Потоа повторно превртете го и оставете го настрана. На истиот начин подгответе уште две кори.
Ставете да се вари 600 мл млеко. Жолчките, шеќерот, ванилин шеќерот и 150 мл млеко изматете во еднолична смеса, како за пудинг. Штом млекото зоврие намалете ја температурата, тенџерето малку потргнете го настрана и започнете малку по малку да ја додавате изматената смеса.
Непрекинато мешајте за да не се направат грутчиња. Вратете го тенџерето на оган и продолжете со варењето, малку зголемете ја температурата и мешајте сè додека да згусне, приближно 5 минути, слично како кога варите пудинг.
Кремопт претурете го во друг сад за побрзо да се олади и прекријте го со стреч-фолија за да не фаќа коричка. Путерот исто така оставете го да омекне на сита собна температура. Кога кремот ќе се олади, додајте го омекнатиот путер и заедно изматете ги со миксер додека целосно да се соединат.
На соодветна десертна чинија или послужавник ставете ја првата кора, па врз неа распоредете 1/3 од кремот. Израмнете и преклопете со втората кора, па со рака притиснете за да се залепи или нежно поминете со оклагија.
Врз втората кора распоредете ја втортата третина крем, убаво израмнете со нож, па преку неа поставете ја третата кора и повторно нежн о притиснете ја со оклагија за да се залепи убаво за филот.
Потоа нанесете го остатокот од кремот, израмнете и оставете ја тортата во фрижидер, најдобро преку цела ноќ. Рецептот го напишав онака како што јас го приготвувам, а од оригиналната верзија единствено ја изменив количината на шеќерот.
Во овој рецепт ги напишав количините кои јас ги употребувам, но еве како стоеше во оригиналниот рецепт: 300 г шеќер за бисквит и 270 г шеќер за крем. Можете да правите ролати и форми какви сакате. / Рецепт на Аника. Верзијата за мак-торта на Светлана Топиќ прочитајте ја ОВДЕ.
