Ако се подготвувате за домашна посна слава, тогаш запишете си го овој одличен рецепт на Верица Николиќ. Ролатите се многу вкусни и декоративни, па така, може да направат за предјадење или за свечен посен ручек. Филот кој се користи за ролатите може да се употреби и како самостојна салата. Еве што ви е потребно:
ПОТРЕБНИ СОСТОЈКИ: 500 г тенки кори за пита. СМЕСА за премачкување на корите: 200 мл газирана вода на собна температура, 20 г свеж квасец, 5 супени лажици брашно, 3 супени лажици пченичен гриз, 150 мл масло за готвење, 1 мала лажичка сол, 1 мала лажичка шеќер
ЗА ФИЛ: 200 г печени пиперки, 200 г маринирани шампињони, 200 г кисели краставички, 200 г морков, 3 чешниња лук, 200 г посен мајонез, 100 г растителен кашкавал, 1 мала лажичка мелен црн пипер, сув растителен зачин по вкус
ПОСТАПКА за приготвување на смесата за премачкување на ролатот: газираната вода ставете во соодветен подлабок сад. Изронете го квасецот и со кујнска жица изматете за да се растопи квасецот.
Потоа додајте масло и промешајте. На крај додајте мепавина од брашно, гриз, шеќер и сол. Добро изматете за да нема грутчиња и состојките да се растворат, па покријте и оставете да ферментира 15 минути. Смесата поделете ја два дела, а исто така и корите (за да се добијат два ролати).
Дното на големиот плех од рерна обложете го со хартија за печење. Земете ја првата половина од корите и започнете со редење. Ставете една кора во плехот и прелијте ја со три полни супени лажици од смесата за премачкување, па со силиконска четкичка премачкјате преку целата површина.
Потоа ставете ја втората кора, па и врз неа ставете прелив и премачкјате ја преку целата површина. Постапката продолжете ја на истиот начин додека да ги наредите сите кори од првата половина. Исто така, премачкјате ја и последната кора.
Вака премачканите кори оставете ги да одморат половина час за да омекнат и да го впијат преливот. Рерната вклучете ја да се загрева на 200 степени и ставете ги корите да се печат 15-тина минути. На работната површина поставете еден поголем лист хартија за печење во кој ќе завиткате печената кора.
Кога површината на корите ќе зарумени, извадете го плехот од рерна и со остар нож потсечете ги крајчињата на кората 1 см за полесно виткање. Кората, со помош на хартијата врз која се печеше, префрлете ја превртено врз новата хартија и свиткајте ја во ролат. Оставете да се олади, а на ист начин пригответе ја и втората кора.
ЗА ФИЛ: Исчистените печени пиперки добро исцедете ги и ако е потребно дополнително со хартиена салветка впијте го вишокот сок, па исечкајте ги на ситни коцкички. Морковот исчистете го и сварете го. На ситни коцкички исечкјате ги маринираните печурки, киселите краставички (со рака добро исцедете ги), сварениот морков и лукчето.
Исечканиот зеленчук ставете го во соодвете сад. Додајте мелен црн пипер и сув зеленчуков зачин по вкус. Промешајте па додајте го мајонезот. Повторно промешајте за да се соединат сите вкусови. Добиената смеса поделете ја на половина, за двата ролата.
Одвиткајте ја првата кора од хартијата за печење и премачкјате ја со половина од филот. Добро распоредете преку целата површина, па повторно свиткајте во ролат и префрлете го врз тацна за послужување.
Истата постапка повторете ја и со втората кора, но сега преку филот крупно изрендајте кашкавал, па дури потоа свиткајте го ролатот. Оставете ги ролатите преку ноќ во фрижидер, а следниот ден исечете ги на парчиња со големина по ваша желба (одлично се сечат). Рецепт на Верица Николиќ.
