Ова е одлична идеја за ручек. Вака приготвените ќофтиња се многу вкусни, без многу маснотии, без кашкавали и сланини, а сепак излегуваат сочни, никој не може да им одолее. Кога за првпат го видов рецептот помислив дека има премногу зеленчук, а тоа е премногу сечкање и динстање.
Но, сепак одлучив да ги направам и не се покајав. Овие ќофтиња се преполни со витамини, а моите деца ги обожаваат. Затоа почнав да им ги приготвувам двапати неделно. Еве што ви е потребно:
ПОТРЕБНИ СОСТОЈКИ (за ќофтиња): 1 главица кромид, 1 голем морков, 1/2 главица зелка со средна големина, 600 г мелено месо, сол, црн пипер, коријандер и зачини по ваш вкус, 2 ситно сечкани чешниња лук.
ЗА ПРЕЛИВ: 1 главица кромид, 1 голем морков, 2 домати, сол, црн пипер, 1 мала лажичка шеќер (ја неутрализира киселоста на доматот), 6 лажици густа нетрална павлака или кисела павлака.
ПОСТАПКА: Ситно исечкјате го кромидот, па запржете го на малку масло загреано на умерена температура. Динстајте го околу две минути додека да застакли. За тоа време изрендајте го морковот, па и него додајте го. Промешајте и динстајте уште две минути.
Ситно исечкајте половина главица зелка, како за салата. Додајте ја во зеленчукот, па промешајте и динстајте 15 минути додека убаво да омекне. Посолете, па издинстаниот зеленчук претурете го во некој подлабок сад каде ќе може побрзо да подизлади.
Во зеленчукот додајте го меленото месо, па посолете и запиперете, а зачини додајте по вкус. Исто исечкјате или истиснете низ преса две чешниња лук и додајте ги во месото. Добро измесете ја мешавината додека сите состојки да се распоредат убаво и смесата да стане компактна.
Со дланките формирајте големи ќофтиња и спуштајте ги во масло загреано на умерема температура. Пржете ги од двете страни додека да заруменат. Потоа извадете ги и тргнете ги на страна додека го приготвувате преливот.
ЗА ПРЕЛИВ: Ситно исечкајте една главица кромид и запржете ја на малку масло околу 2 минути. Додајте рендан морков и продолжете со пржењето уште две минути. Изрендајте или ситно исечкјате два домати, па додајте ги во зеленчукот. Динстајте 10 минути.
Посолете, запиперете и додајте една лажичка шеќер. Најпосле додајте ја павлаката и убаво промешајте додека сето да се изедначи.
Ќофтињата наредете ги во огноотпорен сад, а одозгора секое ќофте премачкјате го во дебел слој се приготвениот прелив. Печете на 190 степени 35 минути. Деталите погледнете ги ОВДЕ.
