Потребни состојки за кора:
- 2 чаши (од 200 мл) брашно
- 1 чаша шеќер
- ½ чаша масло
- ½ чаша какао
- 2 чаши сок од компот од вишни
- 2 лажици оцет
- 1 кесичка прашок за печиво
- прстофат сол
Прелив:
- 100 мл вода
- 3 лажици какао
- 5 лажици шеќер
ФИЛ ПРВ:
- 200 г чоколадо
- 300 мл слатка павлака
ФИЛ ВТОР:
- 200 мл слатка павлака
- 100 г бронхи бонбони
ПОСТАПКА:
Направете ја кората. Во сад ставете брашно, шеќер, масло, какао, компот, прашок за печиво, оцет и изматете со миксер да се спојат состојките.
Смесата ставете ја во калап со димензии 20х30 претходно обложен со хартија за печење. Се пече на 180 степени 25-30 минути.
Во сад ставете 100 мл вода, 3 лажици какао, 5 лажици шеќер и варете додека шеќерот да се стопи и додека е топло прелијте ја кората и оставете да излади.
Во сад ставете 300 мл слатка павлака додадете 200 г чоколадо и гответе додека чоколадото да се стопи (смесата не смее да зоврие оти ќе горчи). Добро изладете и изматете со миксер па премачкајте ја кората.
Во сад ставете 100 г сечкани бонбони бронхи и 200 мл слатка павлака, варете додека да се стопат бонбоните, не смее да зоврие. Добро изладете и изматете со миксер.
Премачкајте преку филот од чоколадо.
Украсете со рендано чоколадо или по желба.
