Реформ-колачот но овојпат во изменето издание, па поради тоа и овој назив. Секој рецепт треба да се прилагоди според домаќинката и нејзините вкусови и вкусот на домашните. Па така и овој рецепт беше едноставно реформиран.
Потребни состојки:
6 јајца
6 лажици шеќер
1 ванилин шеќер
300 грама мелени ореви
Малку сол
4 лажици брашно
1 прашок за печиво
100 г чоколадо
125 грама путер
3 лажици шеќер во прав
Слатка павлака за шлаг
ПОСТАПКА:
1.Од белките изматете цврст снег.
2.Додадете прстофат сол и шеќер, ванилин шеќер, брашно и прашок за печиво.
3.Мешајќи со лажица додадете ги оревите.
4.Печете на 180 степени 15-тина минути на големиот плех од рерната.
5.Испечената кора пресечете ја на два дела.
ЗА КРЕМ:
1.Жолчките и шеќерот изматете ги пенасто.
2.На пареа гответе околу 5 минути па потоа додадете го чоколадото.
3.Изматете го путерот па додадете го во изладената смеса.
РЕДЕЊЕ НА ТОРТАТА:
1.Редете кора, па крем, па кора.
2.Преку последната кора ставете шлаг изматен од слатка павлака.
