Фото и рецепт: Биљана Николовски
Потребни состојки:
10-15 Лути пиперки или мешани
50 г Ореви
1 главица Лук (или по желба)
Постапка:
Испечете пиперки по желба, можете и да и ги измешате со нелути во зависност од тоа колку луто сакате да биде макалото. Откако ќе остојат малку во најлон ќеса, излупете ги и исчистете ги од семките.
Оревите ставете ги во сад за толчење заедно со лукчињата. Откако ќе ги истолчите, додадете ги и пиперките, па и нив малку истолчете ги.
Додадете масло, киселина и сол по вкус. На крај се попарува со врела вода.
