Поради својата нежна градба, тиквичките се многу чувствителен и лесно расиплив зеленчук. Чувајте ги неизмиени во пластични кеси во фрижидер, но не подолго од 7 дена. И најмалите оштетувања на сјајната кора, многу брзо доведуваат до пропаѓање и расипување. Лесно се замрзнуваат, со претходно кратко бланширање.

Време за приготвување: 25 минути

Потребни состојки:

400 г тиквички

75 г брашно

40 г пармезан

1 китка влашец (или листови од млад кромид)

1 китка магдонос

1 јајце

2 мали лажички оригано

Сол

Црн пипер

Мускантно оревче

Масло за пржење

Постапка:

Тиквичките изрендајте ги на крупната страна од рендето, посолете и оставете од нив да излезе сокот, па исцедете ги.

Во подлабока чинија ставете: јајце, брашно, зачини и пармезан. Додадете исечкани зачински билки, ренданите и исцедени тиквички па добро измешајте.

Формирајте плескавици и пржете ги во врело масло.

Пржените плескавиците редете ги на книжна салветка за да се впие вишокот масло, па сервирајте во чинија.