Потребни состојки:
2 правоаголни кори од тесто
Нутела
1 јајце за мачкање
Шеќер во прав за наросување
m&m бонбони за украсување
Постапка:
Истенчете ја кората со правоаголна форма па убаво премачкајте со нутела преку целата површина.
Одозгора ставете ја другата кора.
Започнете со мерење: со остар нож обележете ја средината горе и долу. Горната точка ќе биде врвот на елката.
На еднакви растојанија обележете лево и десно од долната средишна точка за стеблото на елката.
Околу еден сантиметар нагоре пресечете, за првата гранка.
Тенко со ножот обележете линија од врвот па надолу и накосо, така да добиете остар тријаголник – елка.
Отстранете ги вишокот делови.
Сечете ги лентите-гранки на еднакви растојанија.
Потоа лесно засучете ги вртејќи ги сите на иста страна.
На страна изматете јајце.
Убаво премачкајте ја елката.
Печете на 180-200 степени кратко додека да добие убава боја.
Врз изладената елка наросете шеќер во прав.
За крај ставете лампиони од шарени бонбони.
