Потребни состојки:

2 јајца

200 мл масло

300 мл млеко

1 лажица сув квасец

100 г шеќер

околу 700 г брашно

За фил:

Џем од вишни

вишни

За сируп:

200 г шеќер

300 мл вода

За наросување:

100 г кокос

Постапка:

Квасецот и 100 г шеќер растопете ги во 300 мл млако млеко и оставете да се активира.

Потоа додадете 200 мл масло, две јајца и брашно постепено, па замесете тесто.

Тестото треба убаво да се измеси и да се остави да надојде. Потоа поделете го на 5 дела.

Секој дел развлечете го во кора која ќе ја исечете на 8 триаголници.

На секој триаголник филувајте го со лажичка џем па свиткајте го во кифличка.

Кифличките оставете ги да надојдат 15-тина минути, па печете ги додека да заруменат на 200 степени.

За сируп: водата и шеќерот ставете ги на оган, па откако ќе зоврие варете уште 4-5 минути.

Печените кифлички премачкајте ги со топлиот сируп и наросете ги со кокос или мелени ореви.

Кифлите се многу вкусни и меки како памук.