Бесквасниот леб може да ги содржи сите состојки како и стандардниот леб – освен квасецот (кој се користи за лебот за дарасне во волумен). Лебот без квасец е еден вид на леб кој се изработува без киснење заради удвојување на волуменот. Овој вид на леб е погуст и потежок.
Зошто е добро да се јаде леб без квасец?
-не го подува стомакот
-полесно се вари во дигестивниот систем
-не создава гасови
-помага за контрола на шеќерот во крвта
-подобар избор за оние кои имаат кандида (тие не смеат да консумираат производи што содржат квасец)
-подобар избор за оние што се алергични на квасец (да, има и такви)
Калориите секако зависат од состојките што се содржат во бесквасниот леб, но во едно парче ваков леб (малку подебело од 1 см) содржи околу 180 калории.
РЕЦЕПТ ЗА НАЈМЕКИОТ ЛЕБ БЕЗ КВАСЕЦ
Потребни состојки:
450 г брашно (по избор)
500 г минерална вода
2 лажици прашок за печиво
2 лажици масло
1 лажица сол, или по вкус
Постапка:
Загрејте ја рерната на 200 степени.
Помешајте ги сувите состојки. Додадете ги постепено влажните состојки и замесете со рака. По потреба додадете уште вода.
Тестото префрлете го во калап и оставете да се пече 40-50 минути.
Во бесквасниот леб можете да додавате и различни семки, јогурт или друг ферментиран производ. Ако користите млечни производи, тогаш не користете минерална вода. Исто така, лебот пред печење можете да го премачкате со маслиново масло и да додадете сол и рузмарин.
РЕЦЕПТ ЗА ВЕГАНСКИ ЛЕБ БЕЗ КВАСЕЦ И БЕЗ ГЛУТЕН
Ако сепак сте алергични на глутен ова е едноставен рецепт кој не содржи ниту глутен ниту квасец. Погоден е за вегани бидејќи не содржи безглутенски производи.
Потребни состојки:
370 г оризово брашно
500 мл кокосово или мадемово млеко
1 лажица прашок за печиво
1,5 лажица сода бикарбона
5 лажици мелено ленено семе (или мелено чиа семе)
1 лажичка сол
1 лажица лимонов сок
Постапка:
Загрејте ја рерната на 170 степени. Помешајте ги сувите состојки. Во посебен сад измешајте го млекото со лененото семе и оставете да отстои неколку минути. Потоа замесете тесто кое ќе го печете во калап околу 60-70 минути додека да добие златна боја.
Фото: Матеја Птичар (бесквасен леб со семки и листови од див лук)
