Потребни состојки:

500 г јафа кекси (ресана, по избор)

За крем:

400 мл млеко

2 жолчки

6 лажици шеќер

2 пудинг од ванила

150 г путер/маргарин

И уште:

100 г кокос

Постапка:

Во 100 мл ладно млеко додадете шеќер, прашок за пудинг и жолчки, па промешајте со жица да се добие мазна смеса без грутчиња.

Преостанатото млеко ставете го на шпорет да зоврие и потоа сварете пудинг. Кога пудингот ќе ја добие потребната густина, тргнете од оган и оставете да излади.

Додека се лади пудингот, повремено промешувајте да не фати коричка или едноставно покријте го со проѕирна фолија.

Путерот пенасто изматете го и во него постепено додавајте го изладениот пудинг.

Јафа кексите пресечете ги на половина така да добиеме две половини, односно полумесечинки.

Со приготвениот крем спојувајте ги половинките од долната страна која е без чоколадо и желе од портокал.

Потоа споените колачиња валкајте ги во кокос.

Наредете ги на чинија и оставете ги во фрижидер да изладат и да се стегнат.

Брзите чупавци со јафа кекси се готови.